KNI-mi ukioq allanngorarfioqisoq

Marlunngornermi 12. august 2014-imi nal. 11:00 KNI A/S-imi nalinginnaasumik ataatsi-meersuartoqarpoq. Ukioq kingulleq ukiumoortumik naatsorsuutit akuersissutigineqarnerat ilaatigut oqaluu-serineqarpoq.

Suliffeqarfissuup ukiumut angusai akileraarutit ilanngaatiginagit ataatsimut isigalugu DKK 62,3 mio. kr.-iupput ukiumi naatsorsuuteqarfiusumi siuliani DKK 39,6 mio. kr.-iusimallutik.

Taamaalilluni angusat DKK 22,7 mio. kr.-inik pitsanngoriartinneqarsimapput taakkulu 57,3 %-inik pitsanngoriartitsinermut naapertuupput.

Akileraarutit peereerlugit naatsorsuutini angusat katillugit DKK 42,3 mio. kr.-inik sinneqartoorfiupput, ukiumi naatsorsuuteqarfiusumi 2012/13-imi DKK 34,7 mio. kr.-iusimallutik.

Ingerlatseqatigiiffiup pitsaanerusumik angusaqarnera aningaasartuutinik sipaaruteqarnissap sammineqarneratigut, periusissiatut suliniutip "KNI 2016-ip tungaanut" piviusunngortinneqarnerata nanginneqarneratigut, kiisalu ingerlatseqatigiiffiup peqqumaasivimmiittunik nalikilliliinernik annikillisarujussuarneratigut iluarsineratigullu pivoq.

Naalakkersuisulli ingerlatseqatigiiffimmi ukiumi naatsorsuuteqarfiusumi kingullermi akiitsut qaffassimanerat ernumanartuusoq paasivaat.

KNI-p siunissami akiitsunik appaanissamik pingaartitsinissaa Naalakkersuisunit kissaatigineqarpoq tamannami Naalakkersuisut ingerlatseqatigiiffinni Namminersorlutik Oqartussanit pigineqartuni ukkatarisorujussuummassuk.

UKA 2014 Inatsisartullu tunuliaqutaralugit Naalakkersuisunit KNI qinnuigineqarpoq ilaatigut Pilersuisup Polaroilillu avissaartinneqarnissaat kaammattuutigineqarsinnaanersoq pillugu misissueqqissaarnermik kaammattuummillu imaqartussamik ingerlatseqatigiiffimmut piginnittuunermut periusissiassamut kaammattuusioqqullugu.

Kaammattuutit taakku 2015-imi januaarimi saqqummiunneqarnissaat Naalakkersuisut qilanaaraat.

Sulineq tamanna KNI-muinnaq Naalakkersuisunuinnarlu pingaaruteqanngilaq ataatsimulli isigalugu KNI-p nunatsinni inuiaqatigiinnut inissisimanera tunngavigalugu nunatsinnut qitiulluni.

Siulersuisut katitigaanerat

Ukiup naatsorsuuteqarfiusup kingulliup 2013-14-ip naanerani siulersuisut pisortallu taarseraassimapput taamaattumillu ataatsimeersuarnermi Høgni Hansen, Bodil Nyboe Andersen, Annette K. Sadolin, Julia Pars qineqqinneqarlutik.

Tamatuma saniatigut siu-lersuisut siulittaasuat Niels Thomsen qineqqinneqarpoq.

Tassunga ilutigitillugu Jens Kristian Therkelsen inuulluaqquneqarpoq ingerlatseqatigiiffiup siulittaasut katitigaanerata allannguuteqarnissaa pisariaqartimmagu, uuliap akiata qaffanneratigut siumut isigisumik ukkataqarnerulernissaq pisariaqarmat.

Taamaattumik siulersuisut siusinnerusukkut ikummatissanik nikissiuteqarnermi pisortaasimasoq Jørn Esben Rosenbergilu siulersuisuni ilaasortatut nutaatut tikilluaqquneqarluni.

Matuma ilutigisaanik Naalakkersuisut Jens Kristian Therkelsenip siulersuisuni annertuumik suliqataasimaneranut Naalakkersuisut qutsavigissavaat.