Nalimmassaaneq pillugu isumaqatigiittoqanngilaq

Nalimmassaaneq ataatsimoortumillu tapiissutit pillugit isumaqatigiissut nutaaq pillugu isumaqatigiittoqanngilaq


Ullumi politikikkut ataqatigiissaarisoqatigiit ataatsimiinneranni kommunit akunnerminni 2015-imut nalimmassaanermut ataatsimoortumillu tapiissuteqartarnermut  ilusissaq nutaaq pillugu isumaqatigiissuteqanngillat. 

Aningaasaqarnermut Nunamullu Namminermut Naalakkersuisoq Vittus Qujaukitsoq oqaaseqarpoq:

”Naak ataatsimeeqattaartoqaraluartoq kommunit 2015-imut nalimmassaanissamut nutaamik ilusiliigallarnissaq pillugu akunnerminni isumaqatigiissuteqanngitsoorput. Maanna taamatut inissisimaneq Naalakkersuisunit naliliiffigineqartariaqarpoq. Nunatsinni assigiinngitsoqarnerata annertusiartortinneqarnissaa illersorneqarsinnaanngitsoq siusinnerusukkut erseqqissaatigisarpara. Kommunit missingersuusiornissaat eqqarsaatigalugu piaartumik aaqqiissutissarsisoqartariaqarpoq.


Naalakkersuisut aggustip ulluisa 20-anni ataatsimiinnermi aalajangiinissaat naatsorsuutigineqarpoq.”.

 

Sukumiinerusumik paasisaqarusukkuit uunga attaveqarit: Aningaasaqarnermut Nunamullu Namminermut Naalakkersuisoq Vittus Qujaukitsoq imaluunniit KANOKOKA-p siulittaasua Martha Abelsen.