Inuussutissalerinermut ministeri nunatsinnut tikeraarpoq

Danmarkimi inuussutissalerinermut ministeri Dan Jørgensen nunatsinnut aggustip aqqarngannit 14-annut tikeraassaaq.

Tikeraarnermini Aalisarnermut, Piniarnermut, Nunalerinermullu Naalakkersuisoq, Finn Karlsen, ataatsimeeqatigissavaa. Ataatsimiinnermi Namminersorlutik Oqartussat nunatsinni uumasut nakorsaqarfianni inuussutissalerinermik oqartussaaffiup siunissami akisussaaffigineqalernissaata tungaanut periusissat ilaatigut oqaluuserissavaat, soorlu aamma nunatsinnit puisit amiisa nunanut allanut tunineqartarneri aamma nunatsinni nunalerineq aamma oqaluuserissagaat.

Dan Jørgensenip Aalisarnermut, Piniarnermut Nunalerinermullu Naalakkersuisoq, Finn Karlsen, peqatigalugu EU-p killeqarfiata nakkutilliisoqarfia Nuummi umiarsualivimmiittoq, Royal Arctic Linep illutaaniittoq, pisortatigoortumik aqagu marlunngornermi nalunaaqutaq 13.00 atoqqaartissavaat. Atoqqaartinneqartussaq taaguuteqartinneqarpoq: border inspection post.

Danmarkimi inuussutissalerinermut nunatta nerisassiornermik nittarsaassisua Anne Sofie Hardenberg aamma ataatsimeeqatigisassaasa ilagissavaat. Tikeraarnerminilu Royal Greenlandimut Pinngortitaleriffimmullu pulaassaaq.

Dan Jørgensenip Aalisarnermut, Piniarnermut Nunalerinermullu Naalakkersuisoq, Finn Karlsen sila ullumi ajunngippat umiatsiaaqqamik ammaannartumik Qoqqqunut angalaqatigissavaa.

Attavigineqarsinnaavoq: Paasissutissiisartoq, Ludvig Siegstad. E-mail: lusi@nanoq.gl