Timmisartut F-16-it Kalaallit Nunaanni misilittaatigineqassapput

Assimut oqaasertaliussat: - Naalakkersuisut Siulittaasuat aamma Illersornissamut Ministeri Nicolai Wammen, taassuma siusinnerusukkut 2014-imi maajimi tikeraarneranut atatillugu Nuummi ataatsimeeqatigiinneranni.



Sakkutuut Issittumi suliassariligassaannut atatillugu Nunatta Kitaani sapaatip akunnerani matumani timmisartumik F-16-imik timmisartortoqassaaq. Timmisartornerit tassaapput danskit Illersornissamut Ministeriaqarfiata Issittumi suliarisartagaasa pitsanngorsarneqarsinnaaneri pillugit misissueqqissaarnernut massakkut ingerlanneqartunut atatillugu. Misissueqqissaarneq danskit naalakkersuisuinit aallartinneqarsimavoq Namminersorlutik Oqartussanillu peqataaffigineqarluni.

Timmisartornissani pingaarnertut siunertaavoq, Nunatsinni ujarlerluni annaassiniarluniluunniit suliaqarnermi (SAR) timmisartut F-16-it ujaasinerni  misilittarneqarnissaat, taamaasiornikkut timmisartup piffimmi sullissivigineqartussami pissutsit qanoq inneri sukkasuumik paasisinnaassavai Nuummilu Issittumi Sakkutooqarfimmut nassiullugit. 

Taamaasilluni timmisartornissani siunertarineqartut marluupput; siullertut, SAR-imik suliaqarnermi Kitaanni sinerissap nakkutigineqarnissaa assiliortorneqarnissaalu, aappaattullu Kangerlussuup Pituffiullu timmisartuussinermi atortuisa misilittarneqarnissaat. Timmisartornerit marlunngornermit sisamanngornermut ingerlanneqassapput, ulloq ataaseq sillimmatitut atorneqarluni.

Issittup annertuumik misissuiffigineqarnissaata ilaatut timmisartornissaq misilittaanertut misiliinertullu 2014-imi 2015-imilu ingerlanneqartussanut ilaavoq, misissueqqissaarnissamilu pineqartumi Nunatta eqqaani immami nunamilu siunissami suliarineqartartussat ilaatinneqarput. 


Inussiarnersumik inuulluaqqusilluta

Med venlig hilsen

 

 

Aleqa Hammond                   /                     Nicolai Wammen

 

 

 

Annertunerusumik paasisaqarusukkaanni attavisssaq / Kontakt for yderligere oplysninger: Nunanut Allanut Pisortaqarfimmi Immikkut Siunnersorti / Specialkonsulent ved Udenrigsdirektoratet, Jacob Isbosethsen, mobil: 556772