Avaleraasartuut ullormut 700 tonsit

Avaleraasartuut ullormut 700 tonsit sapaatip akunnerisa 31-ssaanni aalisarneqartut sapaatip akunnerisa 30-ssaannut sanilliullugit affaannaraat, sapaatip akunnerani ullormut aalisarneqartartut 1.400 tonsiummata.

Avaleraasartoorniutit 18-it Tunumi sapaatip akunnerisa 31-ssaanni aalisarput.

Kalaallit Nunaanni Aalisarsinnaanermut Nakkutilliisoqarfiup kisitsisaatai naapertorlugit maannamut avaleraasartoortarineqartut 36.500 tonsit sinnerpaat.

Tunumi avaleraasartuunik misileraalluni ukioq manna aalisarneq juunip 13-ianni aallartippoq. Misileraanermut 100.000 tonsit pisassiissutaapput.

Titartagartaliussami juulip 28-annit aggustip sisamaanut aalisarneqarsimasut takuneqarsinnaapput.

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq. E-mail: emanuel@nanoq.gl