Martha Lund Olsen: Innuttaasunut qanittuuneq pingaaruteqarpoq

Naalakkersuini ilaasortaq Martha Lund Olsen, Naalakkersuisunut ilaasortanik allanik Upernavimmut nunaqarfittaanullu angalaqateqartussaq oqarpoq, Naalakkersuisut innuttaasunut qanittuunissaat pingaaruteqartoq.


Ilaqutariinnermut Inatsisinillu Atuutsitsinermut Naalakkersuisoq Martha Lund Olsen aamma Naalakkersuisunut ilaasortat Jens-Eik Kirkegaard aamma Nick Nielsen aggustip aallaqqaataaniit tallimaat ilanngullugu Upernavimmut nunaqarfittaanullu angalassapput. Martha Lund Olsen Upernavimmeereeruni Qeqertarsuup Tunuanukassaaq. Naalakkersuisut innuttaasunut qanimut oqaloqateqartarneri Naalakkersuisut sulerannut innuttaasullu ilisimasaqassusaannut pingaaruteqartuusut Martha Lund Olsen oqarpoq.


Nipaa tusaruk.


Angalanissamut pilersaarut takuuk.


Upernaviup illoqarfianut inoqarfiit nunaqarfiillu atasut katillutik quliupput. 2013-imi innuttaasunik kisitsinermi innuttaasut illoqarfimmi nunaqarfinnilu najugaqartut ima agguataarsimapput:

  • Upernavik..........1169
  • Aappilattoq........155
  • Kangersuatsiaq...176
  • Kullorsuaq.........456
  • Innaarsuit..........152
  • Naajat...............57
  • Nuussuaq..........199
  • Tasiusaq............248
  • Nutaarmiut.........26
  • Ikerasaarsuk.......6
  • Upernavik Kujalleq...198 




  •