Avaleraasartuut ullormut 1.200 tonsit aalisarneqartarput

Avaleraasartoorniutit 14-it avaleraasartuut agguaqatigiissillugu ullormut 1.200 tonsit juulip 14-iannit 27-annut aalisartarpaat.

Kalaallit Nunaanni Aalisarsinnaanermut Nakkutilliisoqarfiup kisitsisaatai naapertorlugit maannamut avaleraasartoortarineqartut 30.000 tonsit sinnerpaat.

Tunumi avaleraasartuunik misileraalluni ukioq manna aalisarneq juunip 13-ianni aallartippoq. Misileraanermut 100.000 tonsit pisassiissutaapput.

Avaleraasartuut aalisarneqartut juunip naanerani juulillu aallartinnerani amerlanerulerput.

Aalisarneqarsimasut nalunaarsuiffianni takuneqarsinnaavoq juulip 14-iannit 17-iannut pisarineqarsimasut.

 

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq. E-mail: emanuel@nanoq.gl