Inuusuttut aalisartoorusupput

Stemningsbillede

Aalisarnermut, Piniarnermut Nunalerinermullu Naalakkersuisoqarfik inuusuttunit 100-it missaanniittunit, 18-nit 29-nut ukiulinnit, aalisarsinnaanermut akuersissummik piniartunik qinnuteqarfigineqarpoq, aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaata allanngortinneqarnerata kingorna.

Naalakkersuisoqarfilli ilisimatitsivoq akuersissutinik qinnuteqartut paasissutissanik, uppernarsaatinik amigartunik nassitsittarluni. Taamaattumik Naalakkersuisoqarfik qinnuteqartunut paasissutissanik, uppernarsaatinik piniarluni maannakkut sulissuteqarpoq.

Akuersissutit pillugit nalunaarummi makku uppernarsaatilerlugit piumasaqaataapput. Qinnuteqartut ukuninnga naammassisaqarsimassallutik:

  • Imaani aalisarnermut ilinniagaqarsimasuunissaq, imaluunniit
  • Aalisarnermut Piniarnermullu Ilinniarfimmi ilinniarsimasuunissaq, imaluunniit
  • allatut taamatut assingusumik sivisuumik misilittagaqarsimasuunissaq, soorlu aamma ataataasoq alliartornermini aalisaqatigisimassagaa allalluunniit ilagalugit.

Qinnuteqartumut piumasaqaataavoq akuerisaasumik inuussutissarsiutigalugu umiatsiaaraqarnissaq aamma aalisarnermut atortunik naleqquttunik peqarnissaq.

Aalisarnermut, Piniarnermut Nunalerinermullu Naalakkersuisup Finn Karlsenip kissaataa tassaavoq inuussuttut 18-nit 29-nut ukiullit aalisarsinnaanermut akuersissummik ajornannginnerusumik qinnuteqartalernissaat. Tamatumunngalu nalunaarut allanngortinneqarpoq inuussuttut piuminarnerusumik qinnuteqartalersinnaanissaat ilanngunneqarluni.

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq. E-mail: emanuel@nanoq.gl

 

Aajuna tamatumunnga nalunaarut