Qimmit perlileqisut 19-it toqunneqartut

Ilulissani uumasut nakorsaata Sanne Eline Wennerbergip Ilulissani politiit Qaasuitsup Kommunialu suleqatigalugit, Ilulissani qimmit 19-it paarinerlunneqartut toquttariaqarsimavai.

Qimmit aqqaneq marluk juulip 13-ianni toqunneqarput, arfineq marlullu juulip 22-anni toqunneqarlutik.

Sanne Eline Wennerberg oqaluttuarpoq qimmeqarfinni marluusuni qimminik toqungasoqareersoq.

Qimmit perlileqisut qilaleqisullu annerusumik naalliutsinnissaat piumanagu toqunneqarput.

Uumasut nakorsaat oqarpoq qimmit salungaarmata kaatsillugit pineqartarsimasutut oqaatigineqartariaqartoq.

- Qimmit salungaaramik orsoqanngilluinnarput, timaannilu, soorlu tinguini assigisaannilu aamma orsoqanngilluinnarlutik. Nukeerussimangaaramillu saanii erseqqarilluinnalersimallutik. Qimmit sivisuumik kaatinneqarsimasut takuneqarsinnaapput, kaallutillu ilaat toqusarsimallutik, uumasut nakorsaat Sanne Wennerberg, Uumasut Nakorsaqarfik Inuussutissalerinermullu Oqartussaaffik.

Qimminik kaatitsisut Ilulissani politiinut suliassanngortinneqarput.

 

Attavigineqarsinnaavoq: Uumasut nakorsaat Sanne Eline Wennerberg. E-mail: uumasut@nanoq.gl. Tel.: +299 345000