Avaleraasartuut 21.000 tonsit sapaatip akunnerini tallimani pisarineqarput

Tunumi avaleraasartoorniutit ulluni kingullerni ulloq unnuarlu 1.600 tonsinik avaleraasartoortarput.

Avaleraasartoorniutit 17-it ataasinngornermut juulip 21-annut pisaat katillugit 20.899 tonsiupput.

Takussutissiami, Kalaallit Nunaanni Aalisarsinnaanermut Nakkutilliisoqarfiup suliarisimasaani, takuneqarsinnaavoq avaleraasartuut 1.200 tonsinit 1.600 tonsinut ulluni kingullerni pisarineqartartut. 400 tonsinit 1.000 tonsinut juulip aallaqqaataanit 15-annut pisarineqartarlutik.

Tunumi avaleraasartuunik 100.000 tonsinik misileraalluni aalisarneq juunip 13-anni aallartivittutut oqaatigineqarsinnaavoq, kilisaataatileqatigiit ilaata avaleraasartoorniutaa ulloq taanna avaleraasartuunik pisaqaqqaarmat.  Avaleraasartuulli juunip naalernerani aatsaat aalisarluarneqalerput, soorlu takussutissiami tamanna takuneqarsinnaasoq.

Makrelfangst 230714

 

Paasisaqarnerorusuttut attavigisinnaavaat Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Lava Køtlum, email: jool@nanoq.gl, tlf: 345353.