Nuna tamakkerlugu qimarnuik katsorsaaviutigisoq ammarpoq

Ilaqutariinnermut Inatsisinillu Atuutsitsinermut Naalakkersuisoqarfiup nunatsinni kommuninut tamanut matumuuna nalunaarutigisinnaavaa nuna tamakkerlugu qimarnuik katsorsaaviutigisoq Illernit Qeqertarsuarmiittoq arnanik qitornalinnik persuttagaasartunik nunatsinnit tamaneersunik tigooraanissaminut ammarmat.

Ullumikkut nuna tamakkerlugu arnat qitornallit persuttaanerup kingunerisaanik qimarnuissamik pisariaqartitsileraangamik ornissinnaasaannik arfineq marlunnik qimarnueqarpoq. Illernit qimarnuioreersunik annertusisitsinertut isigineqassaaq, tassami arnamik qitornaanillu katsorsaaneq ilaatinneqartussaammata.

Nuna tamakkerlugu qimarnuik katsorsaaviutigisoq Illernit qimarnuiuinnassanngilaq kisiannili aamma arnanut qitornalinnut persuttagaasarsimasunut nunaqarfigisaminni imaluunniit illoqarfigisaminniit qimagusimagallarnissamik pisariaqartitsisunut, piffimmi qimarnguiup tunniussinnaasaaniit pisariaqartitsinerup annertunerunera pissutigalugu, aammalu annertunerusumik tapersersorneqarnissamik, siunnersorneqarnissamik aamma katsorsarneqarnissamik pisariaqartitsineq pissutigalu.

Meeqqap eqqarsartaatsikkut/misigissutsikkut pitsaasumik inerikkiartornissaa qulakkeerniarlugu taamaammat meeqqanik katsorsaaneq anaasaasup katsorsartinnera assigalugu katsorsaaneq ingerlanneqassaaq.
Nuna tamakkerlugu qimarnuik katsorsaaviutigisoq Illernit pillugu annertunerusunik paasisaqarusuttut Nuna Tamakkerlugu Qimarnuimmi Katsorsaaviutigisumi Forstanderi Stina Mølgaard attavigineqarsinnaavoq oqarasuaat 92 19 19 e-mail: stim@nanoq.gl.