Aleqa Marthalu ICC-ip ataatsimeersuarneranut

Naalakkersuisut Siulittaasuat Aleqa Hammond aamma Ilaqutariinnermut Inatsisinillu Atortitsinermut Naalakkersuisoq Martha Lund Olsen tallimanngornermi 18. juli 2014 Canadami Inuvimmut aallassapput Inuit Issittormiut Kattuffiata (ICC) aqqaneq aappassaanik ataatsimeersuarneranut peqataajartorlutik. Ataatsimeersuarneq ulluni 20-24. juli 2014 ingerlanneqassaaq, ilaatigut Aleqa Hammond oqalugiassalluni.

Ataatsimeersuarnerup saniatigut Aleqa Hammondip Canadami avatangiisinut ministeri Leona Aglukkaq, Issittumi SIunnersuisoqatigiinni aamma siulittaasuusoq, 21. juli 2014 ataatsimeeqatigissavaa.