Saammaateqatigiinnissamut Isumalioqatigiissitaq pillugu erseqqissaat

Soorlu tusagassiorfinnut nalunaarutip 14. juuli 2014 nassiunneqartup ilassutaani ”Isumalioqatigiissitami ilaasortat”-ni allassimasoq Karla Jessen Williamson, antropologimi doktori, Saammaateqatigiinnissamut Isumalioqatigiissitami ataqqinaatitut ilaasortaavoq. Ataqqinaammik ilaasortaq akissarsiaqartinneqassanngilaq, aamma ataqqinaatitut ilaasortaanermigut, isumalioqatigiissitami ilaasortatut pisussaaffeqassanngilaq akisussaaffeqarnanilu, kisianni ilisimasani misilittakkanilu tunngavigalugit ataatsimiinnernut ilassuteqartassaaq.

Nalunaarutigineqareersutut isumalioqatigiissitami ilaasortat tassaapput:

Klaus Georg Hansen, etnografiimi cand. mag.-iusoq,
Amalia Lynge Pedersen, cand. psych.-iusoq,
Jens Heinrich, kulturikkut oqaluttuarisaanermi Ph.d.-usoq,
Aviâja Egede Lynge, cand. scient.-iusoq, aamma
Ida Mathiassen, ilinniartitsisoq nalinginnaasumillu perorsaasarnermi cand. scient.-iusoq.

Taamaalilluni Saammaateqatigiinnissamut Isumalioqatigiissitami ilaasortatut toqqarneqartut arnat pingasuupput angutillu marluullutik.