Aalisarnermit paasissutit pillugit nalunaarut nutaaq


Nalunaarutikkut nutaakkut Namminersorlutik Oqartussat Kalaallit Nunaanni aalisarnermik ingerlatseqatigiiffiit aningaasaqarnerat ingerlatsinerallu pillugit paasissutissanik pisariaqartunik piniarsinnaalissapput.

Namminersorlutik Oqartussat paasissutissanik maannamut pisinnaasanngillat, naak tamanna nunani allani tamani periarfissaritinneqaraluartoq.

- Namminersorlutik Oqartussanut Naalakkersuisunullu aalisarnermut politikkissaannut ilaatigut tunngavilersuutaasinnaasunik paasissutissanik peqanngillat, tassunga ilanngullugu aalisakkanik isumalluutinik akiitsuusiisarnermut politikkimut.  Aalisariutaatillit paasissutissanik tunniussisarnissartik tunuarsimaarfigisarmassuk, Aalisarnermut, Piniarnermut Nunalerinermullu Naalakkersuisoq, Finn Karlsen oqarpoq.

Naalakkersuisuni ilaasortaq erseqqissaavoq paasissutissanik ingerlatitseqqittarnissaq Naalakkersuisunut pingaarutilerujussuusoq, paasissutissat aalisarnermik inuussutissarsiornermi aningaasaqarnikkut qanoq ineriartortoqarneranik paasissutaasartussaallutik.

Paasissutissat aalisarnermik inuussutissarsiornerup qanoq iluanaarutaasartiginerata assigiinngitsutigut misissuiffigineqarnissaannut tunngavissiisussaassapput.  Aalisarneq pillugu aalisakkanik isumalluutinik  akitsuusiisarneq pillugu inatsisiliornermut tunngavissatut, paasissutissat pingaaruteqassallutik.

– Aalisakkannik pisuussutit qanoq atorneqartarnerinik Naalakkersuisut atorfissaqartitaannik paasissutissiissutaassapput pingaarutillit, piujuartitsinissamik tunngaveqarluni atuinissamut tapertarineqassallutik, Aalisarnermut, Piniarnermut Nunalerinermullu Naalakkersuisoq, Finn Karlsen erseqqissaavoq.


Attavissaq: Ludvig Siegstad, email: lusi@nanoq.gl, tlf: 345397, Aalisarnermut, Piniarnermut Nunalerinermullu Naalakkersuisoqarfik.