Finn Karlsen Japanip Aallartitaanit pulaarneqarpoq


Aalisarnermut, Piniarnermut Nunalerinermullu Naalakkersuisoq, Finn Karlsen, Japanip Danmarkimi aallartitaanit Seishi Sueimit ullaap tungaani pulaarneqarpoq.

Aallartitaq nunatsinni aalisarneq pillugu ilisimatinneqarpoq. Aallartitaq ilaatigut oqaluttuunneqarpoq aalisakkanut assigiinngitsunut aalisarsinnaanermut akuersissutillit qassiunersut, aalisakkanullu assigiinngitsunut pisassiissutaasartut qassiunersut.

Aalisarnermut, Piniarnermut Nunalerinermullu Naalakkersuisup, Finn Karlsenip ilaatigut oqaluttuussivoq nunatta nunanut allanut aalisarneq pillugu isumaqatigiissuteqarnera, soorlu EU-mut. Nunallu Norge, Rusland, Island aamma Savalimmiut isumaqatigiissuteqarfigineqartut.