Nordisk Forum 2014

Nordisk forum

Martha Lund Olsen Nordisk Forum 2014-imi Kalaallit Nunaat sinnerlugu peqataavoq

Martha Lund Olsen Nordisk Forum-imi peqataavoq, qulequtaritinneqarluni: New Action on Women’s Rights 12. – 15. juni 2014 Malmømi ingerlanneqartumi.

Martha Lund Olsen-ip saniatigut nunani avannarlerneersut naligiissitaanissamut ministerit peqataapputtaaq. Nordisk Forum-imi Martha Lund Olsen ministerit panel-imi oqallitsinneqarnerini peqataassaaq, kiisalu naggataarnersiornermi oqalugiaqataassalluni. Ataatsimeersuarnermi peqataavortaaq UN Women-ip pisortaa, Phumzile Mlambo-Ngcuka, taanna 2005-2008-mut Afrikami Kujallermi vicepræsidentiuvoq.

Nordisk Forum - New Action on Women’s Rights nunani avannarlerni arnat pillugit suli-niaqatigiiffiit Kattuffiineersunit aaqqissugaavoq, nunanit ukunannga Danmark, Finland, Island, Norge Sverigelu.

Ataatsimeersuarnermi kattuffiit aallartitaat politikerit, atorfillit, ilisimatusartut, sulini-aqatigiiffiit, inuinnaat suliffeqarfiillu naapipput naligiissitaanissaq pillugu suliniutit politikkikkullu unammillernartut killiffissiussallugit, kiisalu nunani avannarlerni naligiinnerulernissamut anguniagassanik periusissanillu oqaaseqaasiussallutik.