Misissuinermit akissut

Appat lomvier

Kujataani appanik namminneq toquinnarsimasunik misissuinermit akissut

Kujataani appat toqusartut amerliartortut marsip qaammataani paasineqarpoq. Taakku ilaat tunillaassuussinnaasunik nappaateqarnersut misissortinniarlugit Danmarkimi DTU Veterinærinstitutimut nassiunneqarput.

Laboratoriamit misissuinerit inerneri Kalaallit Nunaanni Uumasut Nakorsaqarfik Inuussutissalerinermullu Oqartussaaffik (UNIO) maanna tigusimalerpaat.

Appat tallimat ataatsimut misissorneqarsimapput. Misissuinermi timmissat nappaataat napparsimavallaartitsisuunngitsoq subtype H11N2 nassaarineqarpoq. Virusip napparsimavallaartitsisuunnginnera ima paasisariaqarpoq napparsimalissutaarujussuarneq ajortoq. Timmissat nujuartat napparsimavallaartitsisuunngitsumik nappaateqartarnerat nalinginnaasuuvoq.

Timmissat anguffasillit timmissat nappaataannit virusinut nalinginnaasumik akiuussinnaassusilerujussuupput napparsimalissutiginagulu tunillaassuisuusinnaallutik.

Virusip H11N2-p timmissanit inunnut tunillaasinnaanera uppernarsineqarsimanngilaq.

DTU Veterinærinstitutimit ilisimatitsissutigineqarpoq timmissat suna toqqutigisimaneraat qularnaatsumik oqaatigineqarsinnaanngitsoq. Viruseqarnerata paasineqarnerata saniatigut timmissat sanigorsimaqaat. Allanik nappaateqarsinnaanerisa misissorneqarnissaat pissutissaqartinneqarsimanngilaq.

Inuit virusimik taassuminnga timmissanit tunillatsissimasunit timmissat nappaataannik tunillatsissinnaanerat annikitsuararsuuvoq. Taamaattorli UNIO-mit inuit kaammattorneqartuartarput timmissanik pisaminnik suliarinninnerminni qanoq iliornissaminnut naleqquttumik piareersaateqartaqqullugit:

  • Assatit qaqorsaaserlugit asakkit, pingaartumik erlaveersereerninni.
  • Timmissat erisarnagit amiikkit (pujoralatserinnginneruvoq)

Timmissat toquinnarsimasut oqartussanik isumaqatigiissuteqareernikkut taamaallaat passunneqartariaqarput.

Nualluutip virusia ooqqissunngorlugit siatsinikkut/uutsinikkut toqunneqartarpoq.

Kalaallit Nunaanni pinngortitami timmissanik amerlasuunik nukillaangarpasittunik toqungasunilluunniit nassaaraanni Kalaallit Nunaanni Uumasut Nakorsaqarfik Inuussutissalerinermullu Oqartussaaffik sukumiinerusumik ilitsersorneqaqqulluni attavigineqarsinnaapput.