Aalisariutit 6 meterinik anginerit qaleralittassaat ilaneqarput

Fiskefartoej Naalakkersuisut aalajangerpaat aalisariutinut 6 meterinik anginernut qaleralittassiissutaasimasut 900 tonsit missaannik ilaneqassasut.

Naalakkersuisut aalajangerpaat aqutsiveqarfinni Uummannami Upernavimmilu aalisariutaatillit 2013-ip naaneranitut qaleralittassinneqassasut, aalisariutinut 2013-imut qaleralittassaasa amerlaqataannik.

Aalajangernerup kingunerivaa qaleralitassiissutit 894 tonsinik amerlineqarnerinik, taamaalilluni aalisariutinut 2014-imut qaleralittassiissutit katillutik 11.577 tonsiulerput.
Aalisariutinut qaleralittassiissutigineqartut agguarneri allannguuteqassapput, aalisariutinut ukiumut qaleralittassiissutigineqartut allannguuteqassallutik. Allannguutit pillugit aalisariutaatillit ilisimatinneqassapput.

Taamaalilluni aqutsiveqarfinnut pingasuusunut qaleralittassiissutit katillutik 26.394 tonsiulerput. Aalisariutinut qaleralittassiissutit 11.577 tonsiullutik, umiatsiaararsortunut 14.817 tonsiullutik.

Aqutsiveqarfik Qeqertarsuup Tunuani aalisariutaatilinnut 2014-imut qaleralittassiissutit 2013-imitut iinnassapput, taamaattumik Qeqertarsuup Tunuani aalisariutaatillit immikkut naliliiffigineqassanngillat.

Naalakkersuisut ilisimaarivaat aqutsiveqarfinni pineqartuni qaleralittassiissutigineqartut biologit inassutaannit amerlanerummata. Naalakkersuisut ilanngullugu aalajangerpaat aqutsiveqarfiit pineqartut ukioq manna qaleralittassaat ilaneqassanngimmata.