Aalisarnermut ministerit nalunaarutaat

Fiskeriministre

Atlantikup avannaani nunat aalisarnermut ministerisa ataatsimiinnerat Ilulissani sisamanngormat naammassineqarpoq. Pisarneq naapertorlugu ataatsimeeqataasut aalisarneq pillugu isummaminnik nalunaaruteqarput.

Aajuna nalunaarutaat:

Atlantikup avannaani aalisarnermut ministerit Atlantikup avannaani silap allanngoriartor-nerata aalisagaqassutsimut sunniuteqartarnera arajutsisimanngilaat pingaartumik aalisak-kat imartanut nikittarnerat amerliartortarnerilu eqqarsaatigalugit, pissutsillu taamaanne-rat sumiiffimmi pineqartumi aalisarnikkut aqutsineq eqqarsaatigalugu angisuumik sunniuteqartussaasoq. Imaani avatangiisit allanngornerat siunissami paasineqarlutillu iliuuseqarfigineqassappata ilisimatusarnerit nakkutilliinerillu ataqatigiissakkat pisariaqartinneqarput.

Hr. Finn Karlsen, Aalisarnermut, Piniarnermut Nunalerinermullu Naalakkersuisoq Atlantikup avannaani Aalisarnermut ministerit Ilulissani 19-issaannik Ilulissani juunip 17-iannit 19-iannut 2014 ataatsimiinnissamut qaaqqusisuuvoq.

Aalisarnermut ministerit savalimmiuneersoq, Kalaallit Nunaaneersoq, Islandimeersoq, Norgemeersoq aamma Russiske Føderationimeersoq kiisalu aallartitat qaffasissumik inissisimasut Canadameersut EU-meersullu ataatsimiinnermi peqataapput.

Atlantikup avannaani silap allanngornerata pisuussutinut uummassusilinnut sunniutai, tamatu-malu kingorna inuiaqatigiinnut aalisarnerinnangajammik inuussutissarsiuteqartunut sunniutai Naalakkersuisup Finn Karlsenip saqqummiuppai, apeqqut pingaaruteqarluinnartoq Naalakkersui-sullu pineqartup pisuussutinik massakkut aqutseriaatsip nalilersoqqinnissaa kaammattuutigaa.

Atlantikup avannaani silap allanngornerata kingunerisaanik aalisarnermi unammilligassat assigiinngitsut pillugit misilittakkanik paarlaassuisoqarpoq, isumaqatigiissutigineqarlunilu atlanti-kup avannaani imaani uumasut nerisareqatigiittarnerat aalisariaatsillu allanngoriartortut.

Aalisagaqatigiinnik agguaasseriaatsip aalisakkallu amerliartortarnerisa allanngorneri aalisakkat silap allanngornerata kingunerisaanik uumaniarfigisartagaasa allanngorneranik, aalisakkat ataatsi-moortut amerlassusaanut aamma nerisassaqassusaanut sunniuteqassapput. Aalisarnerulli aqun-neqarnera eqqarsaatigalugu ilisimatusarnermi pisariaqaleraluttuinnarpoq silap allanngornerata sunniutigisaasa aalisagaqassutsimut sunniutigisartagaasa isiginiarneqalernissaat.

Atlantikup avannaani aalisarnermik aqutsinermi aalisakkanik nungusaataanngitsumik atuinissaq qulakkeerniarlugu imaani uumasut nerisareqatigiittarnerisa allanngornerujussuat qisuariarfigineqartariaqarpoq.

Ministerit isumaqatigiissutigaat silaannaap allanngorneratigut aalisakkanut pisuussutinillu allanut uumas-susilinnut sunniutigisartagaasa nalornissutigineqarnerata takutikkaa aqutsineq eqqarsaatigalugu isuman-naatsumik aaqqissuussisoqartariaqartoq siunissami allanngorarfiusussami unammilligassat suliarineqarlu-tillu naleqqussarfiusarsinnaaqqullugit.

Immikkut maluginiarneqarpoq immap kissassusaata allanngorneri piffissami aggersumi pitsaasu-mik qisuariarfigineqassappata ilisimatusarnikkut nakkutilliinikkullu pitsanngorsaanissaq ataqati-giissaarisarnissarlu pingaaruteqarluinnassasut. Tamatuma saniatigut pinngortitap ataqatigiinnerata allanngorneranut atatillugu pisuussutinik pinngortitameersunik pitsaasumik aqutsisoqarsinnaas-sappat inuiaqatigiit ilisimatusartuisa, aqutsisuisa, aalisartuisa piniartuisalu akornanni suleqatigiittarnissat qitiulluinnarput.

Ukiumoortumik isumasioqatigiittarnernik paarlakaalluni aqqissuisuusarnerit naapertorlugit Atlantikup avannaani aalisarnermut ministerit 2015-imi 20-issaannik isumasioqatigiinnissaani EU-p qaaqqusisuunissani qilanaarilereerpaa.