Inuusuttut 500-ngajaat aappatsialaanerlutik Inooqateqarnerit.gl-imi misissorsimavaat

Martha lodtrækning Ilaqutariinnermut Inatsisinillu Atuutsitsinermut Naalakkersuisoqarfik nittartagaq Inooqateqarnerit.gl aqqutigalugu maajip qaammataani unammisitsivoq, tassani inuusuttut nunami tamarmeersut aappatsialaanerlutik takuniarlugu imminnut misissorsimallutik. Inuusuttut katillugit 491-it unammisitsinermut peqataapput. Unammisitsinermi eqqugassaq iPhone pillugu makitsisoqarmat pinnattuuvoq Tuperna Isaksen Aasianneersoq.

Nittartakkakkut unammisitsineq ulloq 5 maj 2014 saqqummiunneqarmalli inuit katillugit 1718-it nittartagaq iserfigisimavaat. Inuit 18-34-nik ukiullit tassaanerusimapput nittartakkamut iserlutik aappariinnermi ningarneq/sangianneq tarnikkullu annersaasarneq timikkut persuttaasarnermut sangutinneqannginneranni qanoq iliortoqarsinnaanersoq pillugu atuarsimasut.

Tupaallannalaaqutigisimavaa arnanut sanilliullugu angutit amerlanerusut Inooqateqarnerit.gl iserfigisimammassuk. Nittartakkap imarai siunnersuutit, ilitsersuutit, apersuinerit, oqaluttuat il. il. ilinniartitsinermut atorluarneqarsinnaasut.

Ilisimatusarnerit misilittakkallu takutippaat inuusuttut persuttaasartunik aappaqartartut inersimasunngorlutik aappaqaleraangamik persuttaasarneq ingerlateqqiinnartaraat. Taamaammat aapparisamik persuttaasarnermik pinaveersaartitsineq Naalakkersuisut ’2014-2017-imut persuttaasarneq akiorniarlugu periusissiaani’ suliniutaavoq pingaarutilik.