Aalisartumut qalerallit 1 tonsiunngitsut

Stemningsbillede

Ilimagineqarsinnaassaaq Qeqertarsuup Tunuani umiatsiaararsortup qalerallit, agguaqatigiissillugu, juulimi 801 kiilu tunisinnaassagai. Qeqertarsuup Tunuani umiatsiaararsortut 317-it qalerallit juulimut qaleralitassiissutigineqartut 254 tonsit paggatassiissutigineqartut aalisartussaavaat.

Kalaallit Nunanni Aalisarsinnaanermut Nakkutilliisoqarfiup kisitsisaatai naapertorlugit aqutsiveqarfimmi Qeqertarsuup Tunuani umiatsiaararsortut juunimut qaleralittassiissutaasunit 582 tonsiusunit qalerallit 750 tonsit aalisarsimavaat, pisassiissutigineqartut 167 tonsinik sinnerneqarlutik.

Juulimut qaleralittassiissutigineqartut 421 tonsiupput. Juunimi sippuilluni qaleralittarineqarsimasut ilanngaatigineqarpata juulimi qaleralittassiissutigineqartut 254 tonsiussapput.

Aqutsiveqarfik Qeqertarsuup Tunuani umiatsiaararsortut 317-it qaleralinniarsinnaanermut akuersissuteqarput, aqutsiveqarfik Uummannami 369-it akuersissuteqartut.

Ilulissani qaleralinnik tunisineq killilersugaaneq ajormat, tunisallu aqutsiveqarfimmit Uummannamit akisunerusarmata, umiatsiaararsortut aqutsiveqarfik Uummannameersut ikinngitsut Ilulissat eqqaanni aasaanerani aalisartarput tunisisarlutillu.