Japanip aallartitartaa Ilulissanut Nuummullu tikeraasaaq

Kalaallit Nunaat ulluni 30. junimit 4. julimut Japanip aallartitartaavanit Seishi Suei-imit tikeraarneqassaaq

Københavnimi Japan-ip aallartitaata, Seishi Suei-p Ilulissat 30.-1. juli aamma Nuuk 1. julimiit til 4. julimut tikeraassavai.

Tikeraarnerup siunertaraa Kalaallit Nunaata Japanillu akornanni kulturikkut, ilisimatusarnikkut aamma aningaasaqarnikkut suleqatigiinnerup nukittorsarneqarnissaat. Ukioq manna Japan Naalakkersuisunit immikkut isiginiarneqarpoq, pilersaarutaammammi Japanimi december 2014-imi kalaallit nunaanit ussassaarisoqarnissaa.

Naatsorsuutigineqarpoq aallartitamit ilaatigut naapinneqassasut Naalakkersuisunut Siulttaasoq Aleqa Hammond, Aalisarnermut, Piniarnermut Nunalerinermullu Naalakkersuisoq Finn Karlsen, Pinngortitaleriffik aamma Visit Greenland. Sammisat ilaatigut oqaloqatigiissutigineqartussat tassaapput aningaasaqarnikkut suleqatigiinneq, kulturikkut aamma ilisimatusarnikkut paarlaasseqatigiittarneq, aalisakkanit tunisassianit avammut niuerneq, takornariaqarneq aamma aatsitassat.

Tikeraarnermissaaq aallartitap Aningaasanut Nunamullu Namminermut Naalakkersuisoq, Vittus Qujaukitsoq peqatigalugu. Japanimiut Filmiinik Saqqummersitsinerat 2014 Katuami, ulluni 2. julimit 4. julimut ingerlanneqartussaq ammassavaa.

Filiminik saqqummersitsinermut Katuami ullormi 2. juli nal. 17:00 ingerlanneqartussami tusagassiorfiit aggersarneqarsimapput.

Filiminik saqqummersitsineq tamanut ammavoq isernerlu akeqanngilaq. Uani takuneqarsinnaavoq.