Greenland Holding A/S-imi ataatsimeersuartoqarpoq

Pingasunngorneq 11. juni nal. 13 Greenland Holding A/S-imi ataatsimeersuartoqarpoq.

Ingerlatseqatigiiffiup akileraarutit peereerlugit 46,3 mio. kr.-nik sinneqartoorluni ukioq 2013 qaangerpaa, tassa ingerlatseqatigiiffiup ukiumut missingersuusiaanit 3,1 mio. kr.-nik annerusut. Ukiumi angusaq naammaginartutut isigisariaqarpoq.

Greenland Holding A/S-ip ineriartornini 2013-imi ingerlatiinnarpaa, Kalaallillu Nunaanni inuussutissarsiornermik ineriartortitsinermi qitiusutut inissisimanini aalajangersarlugu. Greenland Holding A/S-ittaaq ukiup ingerlanerani immikkoortortaqarfimmi ineriartorteqqinneqarnissaat sulissutigaa, tassunga ilanngullugu periusissiat immikkoortortaqarfinni pineqartuni atuuttussanngortinneqarnissaat.

Greenland Holding A/S-ip Københavnimi immikkoortortaqarfiata Kujataani erngup nukinganik nukissiorfiliorniarnermut tunngatillugu Nukissiorfinnut siunnersuisarnini 2013-ip ingerlanerani naammassivaa, taamaammat immikkoortortaqarfik pilersaarutit tassunga tunngasut naapertorlugit matuneqarpoq.

 

Greenland Holdingip siulersuisuni ilaasortat nutaat tikilluaqquai

Ataatsimeersuarnermi Taitsiannguaq Olsen aamma Hanne Kristiansen siulersuisuni ilaasortat nutaat Greenland Holding A/S-imit tikilluaqquneqarput.

Aamma siulersuisuni ilaasortat nutaat marluk tikilluaqquneqarnerannut atatillugu siulersuisuni ilaasortaajunnaartut Mogens Nathansen aamma Aviâja Lyberth Lennert inuulluaqquneqarput.

Naalakkersuisut Siulittaasuat Aleqa Hammond: ”Naalakkersuisut sinnerlugit Greenland Holding A/S-imi siulersuisut, aqutsisut sulisullu 2013-imi angusaqarluartumik suliaqarsimanerannik qujaffigerusuppakka. Immikkut ittumik qujaffigerusuppagut siulersuisuni ilaasortaajunnaartut siulersuisuni suliarisimasaat pillugit. Naalakkersuisut taakkununnga nersorinninnerat sulinerannullu qujassutaat apuukkusuppara.”

Siulersuisuni ilaasortaq Vitta Motzfeldt aamma siulittaasoq Christian Motzfeldt siulersuisunut qinigaaqqipput.

Assimi ilaapput:

Kukkunersiuisoq Lars Nyborg

Pisortaaneq Karsten Høy

Siulersuisuni siulittaasoq Christian Motzfeldt

Advokat Aviâja Helms 

Namminersorlutik Oqartussat sinnerlugit peqataasoq Martina Hilbrandt
Namminersorlutik Oqartussat sinnerlugit peqataasoq Mathias Høg


Attavissaq: Martina Hilbrandt, Ingerlatseqatigiiffinnut Allattoqarfimmi atorfilittaq, email:mahi@nanoq.gl, tlf: 345134