Aaffanniartarneq aaffattassallu

Nunat Atlantikup Avannaaniittut imaani uumasut pillugit siunnersuisoqatigiiffiata NAMMCO-p Ilisimatuussutsikkut Komitéata Kalaallit Nunaanni aaffattassiinissamut siunnersuutigisai ukioq manna aallartilaartoq NAMMCO-p siunnersuisoqatigiivinit akuersissutigineqarput. NAMMCO-p Ilisimatuussutsikkut Komitéata misissuinerit kingulliit naapertorlugit paasisimavaa Kalaallit Nunaanni aaveqarfinni marlunni aarrit amerliartoqqilersimasut, tamannalu aaveqarfinni taakkunani pisassiissutaasussat qaffaallatsinneqarnissaannut siunnersuinermik kinguneqarpoq. Aamma siunnersuutigineqarpoq aarrit siorna pisarineqanngitsoorsimasut ukioq mannamut pisassiissutinut ilanngunneqarnissaat. Nunatsinni aaffanniarnermi malittarisassat, pisassiisarneq pisassiissutissatullu siunersuutigineqartut pillugit Niels Lyberth, Piniarnermut Naalakkersuisoqarfimmi allaffimmiu aaffanniarnermik immikkut sammisaqartuusoq nassuiaatipparput.


Nipaa tusaruk.