Namminersorneq pillugu oqalugiartoqarpoq


Naalakkersuisut Siulittaasuata Naalakkersuisoqarfiata Namminersornerup eqqunneqarnerata ukiunik tallimanngortorsiorneranut atatillugu inatsisileritooq Ole Spiermann nammineq aalajangerlugu qulequtaq ”Namminersorneq” aallaavigalugu tamanut ammasumik oqalugiariartornissaanut qaaqqusimavaa. Oqalugiarnermut qulequtaritinneqarpoq ”Kia Namminersorneq pillugu Inatsit ersigaa? Kalaallit-danskit Namminersorneq pillugu Isumalioqatigiissitaat pillugu unammilligassallu maanna piusut”. Ole Spiermann Kalaallit-danskit Namminersorneq pillugu Isumalioqatigiissitaanni naalagaaffiit inuiaallu akornanni inatsisitigut inissisimanerat pillugu suleqatigiissitami isumaqatigiinniarnermut peqataavoq.
Taamaasilluni Spiermannip Kalaallit Nunaanni Namminersorneq pillugu Inatsisip pilersinneqarnera ilisimasaqarfigilluarpaa, taamanilu Københavnip Universitetiani naalagaaffiit inuiannullu inatsisit pisinnaatitaaffiillu pillugit professoriulluni.
Spiermannip aamma qulequttat aatsitassarsiornermut tunngassuteqartut sammisimavai. Oqalugiarneq pivoq ataasinngornermi juunip 23-anni Katuami Nuummi. Oqalugiarnermi peqataasut apeqquteqartinneqarput. Oqalugiarneq qallunaatuinnaq ingerlanneqarpoq, taamaattorli tusarnaarneqarsinnaasunngorlugu aamma ilivarput. 


Oqalugiartoq tusarnaaruk.


Assit takukkit.