Aleqa Hammond kinamiunit apersorneqarpoq


Naalakkersuisut Siulittaasuat Aleqa Hammond kinamiut aviisianni "Peoples Daily"-mi tusagassiortunit apersorneqarpoq 20.juni 2014. Tusagassiortut tassaapput  Liu Zhonghua aamma Li Meigi, taakkualu Naalakkersuisut Siulittaasuata nunatta siuttuatut inissimaneranut tunngasunik, nunatsinni politikkip qanoq ittuuneranik, aningaasarsiornermi - soorlu takornariaqarnermut aalisarnermullu tunngasunik, aatsitassarsiornikkut ineriartornermut kiisalu Kalaallit Nunaata Danmarkillu Naalagaaffeqatigiinnikkut attuumassuteqarnerannut tunngasunik Naalakkersuisut Siulittaasuat apersorpaat.

Tusagassiortut Liu Zhonghua aamma Li Meigi Nuummeereerunik Ilulissanut ingerlaqqinniarput silap pissusaata allanngoriartornerata nunatsinnut kingunerisai tassani filmiliarissallugit. 


Assit takukkit.