Greenland Oil Spill Response A/S ataatsimeersuarpoq

Greenland Oil Spill Response A/S juunip 18-iani ataatsimeersuarpoq.

Julimi 2012-imi ingerlatsiviup pilersinnerata kingorna ingerlatsiviup ukiumut naatsorsuiffiusumut naatsorsuutitik siulliit saqqummiuteqqammerpaat.Ingerlatseqatigiiffik 2013-imi akileraaruseereerluni -47.950 kr.-inik amigartooruteqarpoq. Ukiumi suliarisimasat eqqarsaatigalugit angusat naammagisimaarneqarput.

Ingerlatseqatigiiffik suli aallartisarpoq sullissassaqarfimmilu nutaajoqisumi inissinniartus-saalluni. Tamanna 2013-imi inernerinut sunniuteqarpoq.

Aammattaaq 2013-imi avataani naatsorsuutigisamik ikinnernik uuliasiortoqarnera iner-nernut sunneeqataavoq kiisalu Tunup Avannaani uuliasiornissamut akuersissutit nutaat kingusissukkut tunniunneqarsimanera pilersaarutaasumik ikinnernik isertitaqarnermik ki-nguneqarlutik.

”Greenland Oil Spill Response A/S-ip suli ineriartornera Naalakkersuisut ilisimavaat ingerlatseqatigiiffillu nutaanut sulilu sullissivissanut inerivissimanngitsunut sullissinias-salluni, taamaammat aamma tamanna killiliivoq. Taamaammat nuannaarnarpoq atuisut pisariaqartitaat kissaataallu naapertorlugit aqutsisut ingerlatsiviup ineriartornerani ingerlatsisut takullugit aammalu ingerlatseqatigiiffiup nunaqavissunik atuerusussusini ta-kutimmagu taamaalilluni inuiaqatigiinnit ingerlatsineq qularnaarniarneqarluni. Naalakkersuisut tamatumunnga ineriartornermut malinnaanissaminnut qilanaarput neri-uutigalugulu aamma naatsorsuutigalugu ingerlatseqatigiiffiup anguniakkani angujumaa-rai,” Naalakkersuisut Siulittaasuat Aleqa Hammond oqarpoq.


Najukkami sulisussat ingerlatseqatigiiffiup siunissami pilersaarumminut ilaatippai

Greenland Oil Spill Response-imi aqutsisut unamminartoqaraluarlutik uuliakoortoqarne-rani upalungaarsimasussanik suligasuartussanik najukkami sulisoqarnissartik anguniar-paat.

Assartuineq isiginiarlugu ingerlatseqatigiiffiup atortumi Nuummut Aasiannullu nuunniar-paat, taamaalilluni illoqarfinni taakkunani ilaatigut nammineq kajumissuseq aallaavigalu-gu upalungaarsimasoqalernissaa periarfissinneqassalluni. Upalungaarsimasussat nam-mineq kajumissuseq aallavigalugu sulisussat illoqarfinni taakkunani immikkut 20 tikillugit amerlassuseqassapput anguniagaavorlu nammineq kajumissusertik naapertorlugu suli-sut piffissami ukiup aappaa avillugu iluani tamakkiisumik ilinniarsimalernissaat. Suliffis-suaqarnermi suliat amerlippata illoqarfinni allani nammineq kajumissutsiminnik sulisus-sat allat sungiusarlugillu ilinniartinnissaat anguniagaavoq.

Ingerlatseqatigiiffik upalungaarsimaneq eqqarsaatigalugu siullermik alloriarpoq Qaqortumi qatserisartuusimasoq sulinermi aqutsisunngortinneqarmat. Taanna nunat tamat akornanni akuerisaasumik uuliaarluartoqarnerani upalungaarsimanermik ilinnialissaaq, taamaalilluni aamma nammineq kajumissutsiminnik siunissami upalungaarsimasussanik suliffissuaqarnermi akuerisaasumik kalaallisut ilinniartitsisinnaalissalluni.

”Taamaammat nuannaarnarpoq atuisut pisariaqartitaat kissaataallu naapertorlugit aqu-tsisut ingerlatsivitsiup ineriartornerani ingerlatsisut takullugit aammalu ingerlatseqatigiif-fiup nunaqavissunik atuerusussusini takutimmagu taamaalilluni inuiaqatigiinnit ingerlatsi-neq qularnaarniarneqarluni,” Naalakkersuisut Siulittaasuat Aleqa Hammond oqarpoq.

Ataatsimeersuartoqarnerani ingerlatseqatigiiffiup siulersuisui qinigaaqqipput taamaam-mallu suli ukuupput; Steen Ove Hansen, Oddbjørg Varhaug Greiner aamma Hanne Berthels.