Avaleraasartoorniarneq aallartippoq

Aalisariutit nunatsinneersut Tunumi aavaleraasartoorniarlutik aallartipput. Aalisariutit Tunumi ukioq manna avaleraasartoorniartussat sapaatip akunnerani kingullermi akuerissutinik tunineqarput.

Finn Karlsen avaleraasartoorniarneq soqutigeqalugu malinnaaffigivaa.

Misileraalluni avaleraasartoortassat 100.000 tonsiupput.

52 procentii aalisariutinik nunatsinneersunit aalisarneqassapput.

Aalisarnermut, Piniarnermut Nunalerinermullu Naalakkersuisumit Finn Karlsenimit pingaartinneqarpoq aalisariutini inuttat aqumiullu nunatsinneersut avaleraasartoorniarnissamut pikkorissartinneqassammata.

- Ukioq manna avaleraasartoorniarneq taamaateriarpat soqutiginarpoq paasissallugu ukioq manna qanoq aalisartoqarsimanersoq, Finn Karlsen erseqqissaavoq.

Siorna avaleraasartoorniarneq juunip 13-iannit aallartippoq septembarip 19-ianni taamaatilluni.

Nalunaarsukkami siorna ullormut qanoq amerlatigisut pisarineqartarsimanersut takuneqarsinnaavoq.