Nunarput Savalimmiut Islandilu suleqatigiinnerulerput

Peqqissutsimut Attaveqarnermullu Naalakkersuisoq Steen Lynge paasisassarsiuutingalugu Islandimut angalanermini Peqqinnissamut Ministerinik isumaqatigiissummik atsioqateqarpoq.


Nunat pingasut akornanni Peqqissutsikkut suleqatigiinnerup nukittorsarnissaa ineriartorteqqinnissaalu isumaqatigiissummi siunertarineqarpoq. Ukiumut ataasiarluni ataatsimiittarnikkut, oqaloqatigiinnerunikkut, isumassarsianik paasissutissanillu avitseqatigiinnerunikkut suleqatigiinnerunissaq isumaqatigiissutaavoq. Ministerit suleqatigiissitalianik imminnut pisinnaatillutik suliaqartitsisinnaanermik isumaqatigiissuteqarputtaaq.

Assimi takuneqarsinnaapput Steen Lynge islandimiut peqqissutsikkut ministeriat Kristján Þór Júlíusson kiisalu savalimmiormiut peqqissutsikkut ministeriat Karsten Hansen.

Nunatsinni peqqinnissaqarfiup Landshospitalet Reykjavikimiittoq suleqatigilluareerpaa, napparsimmavillu paasisassarsiorluni ulluni pingasuni angalanermi aamma pulaarneqarpoq. Uninngasut ilaat tassani tunumiit pingasuartumik Islandimut assartuunneqarsimasoq Steen Lyngemit aamma pulaarneqarpoq.

”Napparsimmaviup pitsammik sullissinini ingerlappaa. Pingaartippara Islandilu suleqatigiinnerput, taamaalillutami periarfissanik amerlanerusunik napparsimallutik ikiortariaqartunut sullissisinnaangatta”: Steen Lynge oqarpoq.

Napparsimasunik Islandimi sullissilluni ataqatigiissaarisoq Gerth Larsen ataatsimeeqatigineqarpoq, kiisalu Keflavikkimi mittarfik imminut aningaasatigut iluanaarniuteqarluni ingerlanneqartoq alakkarneqarluni.



Assilisat takukkit.



Annertunerusumik paasisaqarusukkuit, attavigiuk:
Naalakkersuisumut allatsi
Lea Holm
E-mail: leah@nanoq.gl

Pisortamut allatsi

Louise Elberg Pedersen

E-mail: loep@nanoq.gl