Qeqertarsuup Tunuani qaleralittassiisutit nungulerput

Stemningsbillede


Aqutsiveqarfik Qeqertarsuup Tunuani umiatsiaararsortut 317-it  qalerallit 212 tonsit sapaatip akunnerata siuliani,  juunip aappaannit juunip aqqarngannut aalisarsimavaat.

Aqutsiveqarfimmi qalerallit 586 tonsit juunimut qaleralittassiissutaapput, taakkunanit qaammatip sinneranut 317 tonsit maannakkut aalisarneqarsinnaallutik.

Umiatsiaaqqat agguaqatigiissillugu qalerallit ullormut 30 tonsit tulaattarpaat. Taama amerlatigisunik ullormut tulaassuiinnassappata qaleralittassiissutigineqartut ullut 10-it qaangiuppata nungunneqarsimassapput.

Qaammammut pisassiissutigineqartut 421 tonsipput, qaammatip siulianit nuunneqartut 166 tonsiullutik – katillugit 586 tonsit pisarineqarsinnallutik.

Aqutsiveqarfik Uummannami umiatsiaararsortut 369-it qalerallit 45 tonsit piffissami pineqartumi aalisarsimavaat. Aqutsiveqarfimmi 1.015 tonsit juunimut qaleralittassiissutaapput – sinnerullutik 961 tons.

Qaammammut pisassiissutigineqartut 561 tonsiupput, qaammatip siulianit nuunneqartut 454 tonsiullutik. Aqutsiveqarfik Uummannami  umiatsiaararsortut pisassaat katillutik 961 tonsiupput.

Aqutsiveqarfik Upernavimmi umiatsiaararsortut 335-it uummannarmiunit tonsinik arfineq marlunnik pisaqarnerusimapput. Aqutsiveqarfimmi 677 tonsit juunimut qaleralittassiissutaapput – sinnerullutik 629 tonsit.

Juunimut pisassiissutigineqartut 450 tonsiupput, qaammatip siulianit nuunneqartut 227 tonsiullutik. Umiatsiaararsortut pisassaat katillutik 629 tonsiullutik.

Aalisariutit

Aalisariutit 6 meterinik anginerit 94-it aqutsiveqarfimmi Qeqertarsuup Tunuani 87 tonsit juunip 2-annit 11-annut  qaleralittarisimavaat. Aalisariutinut pisassiissutit 4.795 tonsiupput. Ukiup sinneranut pisassat 2.518 tonsiupput.

Aqutsiveqarfimmi Uummannami aalisariutit 76-it 52 tonsit pissaffissami pineqartumi aalisarsimavaat. Tamaani pisassat ukioq manna 2.389 tonsiupput. Sinnerullutik 1.730 tonsit.

Aalisariutit 52-it aqutsiveqarfik Upernavimmi qaleralittaat juunip 2-annit 11-annut 11 tonsiupput. Ukiumut pisassaat 3.500 tonsiullutik. Sinneruttut 3.053 tonsiupput.

Assagiarsuit

Assagiarsunnut arfinilinnik aqutsiveqarfeqarpoq:  Narsaq – Qaqortoq, Nuuk – Paamiut, Maniitsoq – Kangaamiut, Sisimiut, Qeqertarsuup Tunua – Uummannaq aamma  Upernavik.

Aqutsiveqarfimmi Nuuk-Paamiut assagiarsunniutit assigiarsuit juunip 11-ata tungaanut ukiumut pisassiissutigineqartut 56 procentii aalisarsimavaat. Tamaanga ukiumut pisassiissutigineqartut 950 tonsiupput.

Saarulliit

Tunumi Kitaanilu ukioq manna saarullittassat katillugit 15.000 tonsiupput. Maannamut 3.067 tonsit pisarineqarsimapput.