Ilitsersuinermi siunnersuisoqatigiit

Ulloq 24. april 2014, ilitsersuinermi siunnersuisoqatigiit inissitsiterlutik katersuuteqqaarput, taamalu Hans Peder Kirkegaard siulittaasutut toqqarneqarluni.

 

Siunnersuisoqatigiit Ilulissani katersuuteqqissapput ulloq 17. november 2014.

 

Hans Peder Kirkegaard attavigineqarsinnaavoq, qarasaasiakkut attaveqaat atorlugu:

kirkegaardhp@gmail.com

 

Ilitsersuinermi Siunnersuisoqatigiit ilaatsigut suliassaraat:

  • Ilitsersuineq pillugu suliniutit inerisarnerini Naalakkersuisut siunnersussallugit.
  • Misissueqqissaarnernik uppernarsaasersuinernillu pisariaqartitsiviusunik tikkuussinissaq, ilaatigut sumiiffinni nunallu immikkoortuini akimmiffiit pillugit aammalu siunnersuuteqarfiginissaat.
  • Ilitsersuinermi suliniutit sukateriffigineqarneri nalimmassarneqarnerilu eqqarsaatigalugit, pisariaqartitsiviusutut tikkuakkat naapertorlugit ilitsersuinerup iluani susassaqartunik oqaloqateqarnerup qulakkeersimanissaa.
  • Siunissaq qaninneq ungasinnerusorlu eqqarsaatigalugit, ilitsersuinermik pisariaqartitsinerup matussusernissaa aammalu suliniutinik naapertuuttunik aallartitsinikkut suleqataaffigissallugu.
  • Ilitsersuinermik suliniutini assigiinngitsuni, ilitsersuineq ataatsimut isigalugu ataqatigiissaarneqarnerata qulakkeersimanissaa.

 

Inussiarnersumik inuulluaqqusilluta

 

Vejledningsrådets sekretariat/Ilitsersuinermi Siunnersuisoqatigiit allaffeqarfiat