Digitaliserinngimut nutaamik Periusissiaq

Nutaamik digitaliseringimut periusissiap nuna tamaat ataqatigiinnerulersissavaa.

Naalakkersuisut nutaamik digitaliseringimut periusissiaq aqqutigalugu kissaatigaat

anguniakkat annertuut arlallit, taamaasilluni eqaatsumik aamma ataqatigiittumik

pisortat suliffiini periusissaq isumannaarniarlugu innuttaasut suliffeqarfiillu

nutaamik periarfissiitigalugit.

Naalakkersuisoq Vittus Qujaukitsoq tamatumunnga atatillugu ima oqaaseqarpoq:

”Nutaamik digitaliseringimut periusissiaq ”Digitalisering ingerlatissatut” aqqutigalugu anguniakkat annertuut oqaluuserisatsinnut ilanngupput, qanoq inerisaaneq,

atugarissaarneq aamma ataqatigiinnikkut ineriartorneq, nunami nutaaliaasumi

aamma imminut napatittumi pisariaqarluinnartinneqartoq inissimmat.

Periusissiami anguniakkat aamma aallartisakkat tunngavigaat, politikkikkut kissaat naligiinnissamik anguniagaqarnermik tunngavilik innuttaasut sumiluunniit najugaq

aporfiginagu assigiimmik periarfissaqarsinnaanissaannik aqqutissiuisoq.”

Periusissiami tunngavik
Periusissiap aallaavigaa teknologimik atuinikkut periarfissat nutaat, aamma arlalissuit IT atorlugu periartalernerunerat, mobiltelefoni aamma internet ulluinnarni atugaanera. Inuiaqatigiinni kissaatigineqarpoq nutaanik aamma pitsaanerusunik digitalisering

tunngavigalugu periarfissanik sullinneqarusunneq taamaasilluni eqaannerusumik iluarsiisoqarnissaaneq aamma pitsaanerusumik ataqatigiittoqarsinnaaneq.

Periusissiaq aqqutigalugu innuttaasut tamaasa ilaanissaat isumannaarniarneqarpoq.

 

Digitalimik periusissiaq nutaaq annertoorujussuarmik anguniagaqarpoq aamma digitalimik atuilluni iluarsiinernik imaqartorujussuulluni. Periusissiaq 35-inik anguniakkanik imaqarpoq piffissami 2014-17-imi, ilaatut:

  • Pitsaanerusoq aamma akikinnerusoq internit nuna tamakkerlugu.
  • Aallussineq aamma aningaasaliineq it-mik atuinermik aamma digital atorlugu ilinniusiorneq meeqqat atuarfianni, ikorfartuisussaq nukittorsaasussarlu suleriaatsinik.
  • Periusissiaq nuna tamakkerlugu pitsaasumik aamma eqaatsumik telemedicin atorlugu iluarsiinermik. Sulissunneqartunut iluaqutaasumik, taamaasillutik angerlarsimaannarluni paaqqutarineqarsinnaanermik periarfissiisoq, aamma tamanna aqqutigalugu aningaasartuutikillisaasoqarluni.  
  • Inuussutissarsiortunut atatillugu aallarnisaanerit, aqqutissiuussisussaq, suliffeqarfiit eqaannerusumik pisortanut attaveqarsinnaanissaannik
  • Pappiaqqanik allatassanik ikilisaanermik pilersaarut, innuttaasut sullinneqarnerat Sullissivik aqqutigalugu digitalimik pisinnaanerunissaanut aqqutissiuvisoq
  • Ullutsinnut paasissutissanik nutaanik naleqqussaaqqinneq taamaasilluni eqaannerusumik pisortat allaffissorsinnaanerat anguniarlugu, nalilersuinerit aamma aaliangiiniarluni paasissutissat pitsaanerit pineqarsinnaaniassammata, tapiliullugu paasissutissiineq isumannaanneq atorneqarluni.


Vittus Qujaukitsoq,Aningaasaqarnermut Nunamullu Namminermut Naalakkersuisoq.


Atuagassaq: Digitaliserinngimut nutaamik periusissiaq.


Attavissaq: Naalakkersuisumut allattaagallartoq Aviaja Olsen, email: avol@nanoq.gl, tlf: 345212