Naligiissaarisarnermik aaqqissuussinermik nutaamik suliaqarneq ukkatariinnarneqassaaq

Kommuneqarfik Sermersuumi IA sinnerlugu kommunalbestyrelsimut ilaasortap Allan Pertti Frandsenip assigiissaarisarnermik aaqqissuussineq nutaaq ataatsimoortumillu tapiissutit pillugit isumaqatigiissut pillugu isumaqatigiinniarnerput pillugu oqaasii maluginiarpakka.

Kommunip aningaasaqarnikkut inissisimanerliorneranut tunngasut Kommuneqarfik Sermersuumi kommunalbestyrelsip iluani eqqartorneqartariaqaraluarput. Kommunimi aningaasaqarnikkut aqutsisoqannginneranik politikikkut ajornartorsiut kommunalbestyrelsip iluarsiniartariaqarpaa aqutsisuusullu taarseraannerujussuisa kingorna ingerlaavartumik sulisoqarnissaa qularnaarlugu. Naalakkersuisunut pisuutitsiniarneq pineqartup, tassa nunatsinnut tamarmiusumut iluaqutaasussamik naligiissaarisarnermik aaqqissuussinermik nutaamik attanneqarsinnaasumik oqimaaqatigiissaakkamillu nassaarniarnissap allamut saatinniarneqarneratut isikkoqarpoq.

Sulinerup ingerlaneranik isornartorsiuinerup sulinitsinnut pisariaqanngitsumik akornutaanera aalajangiusimavara. Tusagassiorfitsigut taamatut kingunissaqanngitsumik oqallinnermut taarsiullugu borgmesterit KANUKOKA-lu toqqaannartumik oqaloqatigalugit aaqqiissutissamik atorsaasumik nassaarniarnissamut nukissat atorusunneruakka.

Sukumiinerusumik paasisaqarusukkuit una attavigiuk: Aningaasaqarnermut Nunamullu Namminermut Naalakkersuisoq Vittus Qujaukitsoq.