Puisit amii pillugit WTO-mi suliaq inaarutaasumik aalajangiiffigineqarpoq

EU-p tunisassianik puisineersunik eqqusseqqusiunnaarnera pillugu WTO-mi suliap suliassanngorteqqinneqarnerata aalajangiiffigineqarnera pisortatigoortumik saqqummiunneqarpoq.

Suliaq annertoorujussuaq pingaaruteqarluinnarpoq, aamma aningaasaqarniarnikkut.

Pisariaqarpoq inaarutaasumik aalajangiussaq nalilersoqqissaarnissaa, taamaattumik maannangaaq kingunissai suusinnaanersut eqqoriarsinnaanngilagut.

Maanna suliassanngorteqqiinermi inerniliussaq mianersortumik misissorneqassaaq. Naalakkersuisut inaarutaasumik inerniliussamut isummerniartussaassapput, aammalu qallunaat naalakkersuisui toqqaannaq qanimullu suleqatigeqqillugit Kalaallit Nunaata EU-mi soqutigisaasa anguniarneqarnissaat Naalakkersuisunit ingerlanneqassallutik.

Kalaallit Nunaata sulissutigiinnassavaa puisit amiinik tunisassiat tunitsivinnut allanut tunitsivissarsiuunneqarnissaat, taassamalu ataani nunat Kangianiittut ilanngullugit.