Ålandimi naalakkersuisut siulittaasuat, Camilla Gunell, Nunatsinnut tikeraarpoq

Naalakkersuisut Siulittaasuata Ålandimi naalakkersuisut siulittaasuat Camilla Gunell ulluni 23. – 26. maj 2014 Nunatsinniittussanngorlugu tikeraarsarsimavaa.

Naalakkersuisut Siulittaasuata aqagu tallimanngornermi 23. maj Camilla Gunell ataatsimeeqatigissavaa.

Nunani Avannarlerni nunat namminersortut pingasut, Savalimmiut, Ålandip Nunattalu akornanni suleqatigiinneq ukiuni kingullerni nukittorsarneqarsimavoq.

Ålandip ukiorpassuarni namminersortuusimarnera oqaluttuarsartaanut ilaavoq, taamasillunilu suleqatigiinnermi misilittakkanik nalituunik tunniussaqartarluni. Nunani Avannarlerni suleqatigiinnermi Åland ukiuni arlalinni killeqarfitsigut aporfeqarunnaarnissamik siunertaqarnermut peqataasimavoq, tamatumanilu Nunarput suleqatigiinnermut tamatumunnga ukioq manna januaarip aallaqqaatani ilanngussimanermigut misilittakkat tungaasigut iluaqutissaminik allersinnaavoq.

Suleqatigiinnikkut anguneqarsimasoq aalajanersimasoq tassaavoq, Savalimmiut, Ålandip Nunattalu naalakkersuisuisa siulittaasuisa Nunani Avannarlerni ministeriunerit ukiumoortumik naapeqatigiittarnerannut qaaqqusaasalersimanerat. Ukioq manna ataatsimeeqatigiinnissaq Islandimi 27. maj pissaaq.

Ataatsimeeqatigiinnissami aqagu pisussami Aleqa Hammondip Camilla Gunellillu ministeriunerit Islandimi ataatsimeeqatigiinnissaat Nunanilu Avannarlerni apeqqutit ullumikkut sammineqartut eqqartussavaat.