Ammassassuarniarnermut ilinniartitsineq

Aalisartunik aqumiunilluunniit ilinniartitsinerit iluaqutissartaqarput aalisakkat ikeriinnarsiortut aalisarneqarnerini.


Avaleraasaqqortuunik aalisarnermi imaluunniit aalisakkanik ikeriinnarsiortunik allanik aalisarnermi Kalaallit Nunatta aalisarnermi oqaluttuassartaani nutaarluinnaavoq. Taamaattumik pingaaruteqarpoq Kalaallit Nunatsinni aalisarnerup taassumap iluani pisinnaasanik qaffassaanissaq. Tamatumunnga tunngatillugu Tunumi  misileraalluni aalisakkanik avaleraasartuunik, ammassassuarnik, saarullernanik aamma guldlaksinik pisassiinermut atatillugu, ingerlatsiviit aalisariutaatillit pisassinneqarsimasut aalisarnerminnut atatillugu inuttanik aqumiunillu ilinniartitsiniartut naatsorsuutigisinnaassavaat aappaagu siunissamilu salliutinneqarlutik pisassinneqarsinnaassallutik. 

Nunatsinni ingerlatsiviit aqqaneq marluk avaleraasartoorniartussatut Aalisarnermut, Piniarnermut Nunalerinermullu Naalakkersuisumit Finn Karlsenimit innersuunneqarput.


Attavissaq:Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Olsen, email: jool@nanoq.gl, tlf: 345353