Suliffissaaleqisunik akiuiniarnermut 174,2 millioner koruunit

Suliffissaaleqisut amerlavallaarput. Taamaattumik apriilip aallartinnerani Naalakkersuisut siunissami suniutaasussanik arlalinnik maannakkorpiaq suliffissaqartitsiviulertussanik saqqummiussaqarput. Suliniutissat maannakkut Aningaasaqarnermut Ataatsimiititaliamit akuerineqarput.

Aalajangersimalluinnartumi Naalakkersuisut siunnersuutigaat, piffissami qanittumi – immikkorluinnaq ittumik –2014-imi iluarsaassinermut, aserfallatsaaliuinermut sanaartornermullu aningaasaliinerit arlallit siuartinneqassasut. Eqqoqqissaartumik 174,2 millioner koruunit kommuninut sisamaasunut. Nunaqarfiinnaat aningaasarpassuarnit taakkunannga 50 millioner koruunit sinnilaarlugit atugassiivigineqassapput.

”Aningaasaqarnermut Ataatsimiititaliap aalajangiinerani suliniutit aallartissinnaalerpavut, tamannalu nuannaarutigisorujussuuara. Taamaaliornikkut suliffissaaleqisut amerlanerusut sulilersinnaanissamut periarfissaqalissapput”, oqarpoq Naalakkersuisut tamaasa sinnerlugit Jens-Erik Kirkegaard, Inuussutissarsiornermut Aatsitassaqarnermullu Naalakkersuisoq, naammagisimaarinneqisoq, nangillunilu:

”Naalakkersuisuni tamanna taagorparput nammaqatigiittumik suliniuteqarneq – aammalu nunarput tamakkerlugu iluaqutaasussaalluni”.

Aningaasat kommuninut makkununnga imatut agguarneqarput:

Kommuneqarfik Sermersooq: 39,1 mio. kr.
Kommune Kujalleq: 25,2 mio. kr.
Qeqqata Kommunia: 26,5 mio. kr.
Qaasuitsup Kommunia: 57,5 mio. kr.
(Suliassat nunami sumiiffimmut tutsinneqanngitsut: 25,9 mio. kr.)

Inuussutissarsiornermut, Aatsitassaqarnermut Suliffeqarnermullu Naalakkersuisoqarfik suliassanut aqutsisuussaaq. Naalakkersuisoqarfiit immikkut ittumik suliniuteqarnermi akuusut tassaapput Peqqissutsimut Attaveqarnermullu Naalakkersuisoqarfik, Aalisarnermut, Piniarnermut Nunalerinermullu Naalakkersuisoqarfik, Ineqarnermut Naalakkersuisoqarfik, Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoqarfik aamma Avatangiisinut Pinngortitamullu Naalakkersuisoqarfik.

 

Aningaasat suliassaqarfinnut qanoq agguarsimappat?

 

Suliassamut nassuiaat Sumiiffik 2014
Katillugit 174,2
SILLIMMATIT 15
Suliassanik inaarsaaneq Nuna tamakkerlugu 15
INEQARNEQ 64
Inissianik iluarsaassineq Qaqortoq 10
Inissianik iluarsaassineq Nuuk 10
Iluarsaassinissamik suliassaq Tasiilaq 10
Iluarsaassinissamik suliassaq Maniitsoq 10
Illut tamatigoortumik atuuffillit 4 Qaasuitsup Kom. nunaqarfiit 24
SULIFFEQARNEQ 1
AMK lulissani Piareersarfimmut ilassutissaq Ilulissat 1
UMIARSUALIVII 8,9
Kullorsuaq Kullorsuaq 1
Kitsissuasuit Kitsissuarsuit 3,9
Ikamiut Ikamiut 4
MITTARFIIT 17,3
Kulusummi erngup aqqutaa Kulusuk 6,3
Akunnittarfik ABA sanaartorneq Narsarsuaq 1,5
Kangerlussuarmi erngup aqqutaa Kangerlussuaq 5
Kangerlussuarmi akunnittarfimmi kuuffeqarfinni ajornartorsiutit Kangerlussuaq 1,5
Kangerlussuarmi akunnittarfimmi igalaanik matunillu iluarsaassineq Kangerlussuaq 3
PEQQISSUSEQ 12,7
-nukissiamik pitsaanerulersitsinissaq 7,7
silaannarissarfinnik uunnaavinnillu taarsersuineq Maniitsoq 2
Kiassaanertaanik taarsersuineq aamma ruujoreqarfinnik allanngortiterineq Nuuk 0,4
silaannarissarfinnik uunnaavinnillu taarsersuineq Aasiaat 0,8
silaannarissarfinnik uunnaavinnillu taarsersuineq Nanortalik 0,7
silaannarissarfinnik uunnaavinnillu taarsersuineq Ittoqqortoormiit 0,4
silaannarissarfinnik uunnaavinnillu taarsersuineq Qasigiannguit 1,3
silaannarissarfinnik uunnaavinnillu taarsersuineq Qaqortoq 2
-aserfallatsaaliuineq Nuna tamakkerlugu 5
AVATANGIISIT 44,5
Anartarfilerinermi majorallartarfiit nutaat
Kujalleq Kommune 7
Kommuneqarfik Sermersooq 5
Qeqqata Kommunia 1
Qaasuitsup Kommunia 19
Eqqaavissuarnni saliinerit
Paamiunni eqqaavissuarmi saliineq Paamiut 2
Qaqortumi eqqaavissuarmi saliineq/matusineq Qaqortoq 2
Maniitsumi eqqaavissuarmi saliineq Maniitsoq 2
Upernavimmi eqqaavissuarmik matusineq Upernavik 2,5
Narsami eqqaavissuarmi saliineq Narsaq 2
Kangerlussuarmi eqqaavissuami saliineq Kangerlussuaq 2
SOCIAL 5,9
Aserfallatsaaliuinerit assigiinngitsut Nuna tamakkerlugu 5,9
ILINNIARTITAANEQ 5
Paamiuni ilinniartut inaannik sanaartorneq Paamiut 5