Kujataani saarullinniartoqarsinnaalerpoq

Stemningsbillede

Naalakkersuisut immikkut akuersissuteqarlutik kujataata avataani apriilip 1-anit maajip 31-annut saarullinniartoqarsinnaasoq akueraat.

Tamaani saarullinnik maannakkut aalisartoqarsinnaanngilaq, saarulliit suffimmata.

Saarulliit Tunup imartaata avannaani suffisarmata, Pinngortitaleriffiup nalilersuereernermini immikkut akuersissuteqartitsinissaq ajoriffissaqartinngilaa.

Saarullinniarnissamut maannakkut ammaaffigineqartumi, saarulliit kangerluit ilamininnguini suffissarput.

Maannakkut saarullinniarfigineqarsinnaasunngortoq tassaavoq imartaq NAFO-p imartaanut ilaasoq 1F, sumiiffiillu ima nalunaaqutserneqarsimapput Q5 aamma Q6.

Taakku Kalaallit Nunaanni saarullinniarneq pillugu ingerlatsinissamut 2014-2016-mut pilersaarummi allassimapput, ICES-ip imartaani XIVb-miilluni.

Ataavartumik piffissami saarullinniarneq qulakkeerneqassaaq. Tunisassiorfinni tunitsivinnilu sulisut aalisartullumi pingaarutilimmik suliassaqartinneqalissapput.

Immap assinga.