Piniarnermut allagartaq

Maajip aallaqqaataani piniarnermut allagartap akilereerneqarnissaanik piumasaqaatip atorneqannginnissaa

Naalakkersuisoq Finn Karlsen aalajangerpoq 2014-mi aasakkut ukiakkullu tuttunniarnissamut umimmanniarnissamullu akuersissutinik qinnuteqarsinnaanissamut maajip aallaqqaataani piniarnermut allagartap akilereerneqarnissaanik piumasaqaatip atorneqannginnissaa avammut nalunaarutigissallugu. Tassani tunngavigineqarpoq piniarfinni arlaqartuni uumassusilerinikkut inassutigineqarmat tuttunik umimmannillu pisassiissutit ammatinneqassasut.

Piumasaqaatip atorneqannginnissaa peqqutigalugu maajip aallaqqaataata kingorna piniarnermut allagartamut akiliisimasut 2014-mi aasakkut ukiakkullu piniarnissamut akuersissutinik qinnuteqarsinnaapput aamma.

Malugeqquneqarporli uumassusilerinikkut inassuteqaatit aammalu aqutseriaatsit nutaat naatsorsuutigineqarmata piniarneq aallartitsinnagu.