Qalerallit 2.600 tonsit sinnillit pisarineqarput

Aqutsiveqarfimmi Qeqertarsuup Tunuani aalisariutit meterinik 6-inik anginerit qaammatip matuma ulluini siullerni 14-ini qalerallit 1.408 tonsit aalisarsimavaat, aqutsiveqarfik Uummannami 2.389 tonsit aalisarneqarsimasut, aqutsiveqarfimmi Upernavimmi 3.500 tonsit aalisarneqarsimallutik.

Aqutsiveqarfinnut pisassiissutit ukiup sinneranut sinneruttut ima amerlatigipput; Qeqertarsuup Tunuanut 3.387 tonsit, Uummannamut 2005 tonsit, Upernavimmut 3.200 tonsit.

Pisassiissutigineqartut pineqartut tassaapput aalisariutinut ataasiakkaanut pisassiissutigineqartut.

Umiatsiaaqqat
Aqutsiveqarfik Uummannami umiatsiaararsortut 258 tonsit aalisarsimavaat, aqutsiveqarfik Upernavimmi 179 tonsit aalisarneqarsimallutik, Qeqertarsuup Tunuani umiatsiaararsortut piffissami pineqartumi 107 tonsinik tulaassisimallutik.

Aqutsiveqarfinni ukunani qaammatip sinnerani suli ima amerlatigisut aalisarneqarsinnaapput: Uummannami 600 tonsit, Uummannami 256 tonsit, Qeqertarsuup Tunuani 601 tonsit.

Umiatsiaararsortut aqutsiveqarfinni Upernavik, Uummannaq aamma Qeqertarsuup Tunuani 789-it qaleralinniarsinnaanerminnut akuersissutaateqarput.

Aalisartut 6 meterinik anginernik aalisariutitaatillit 143-t qaleralinniarsinnaanerminnut akuersissutaateqarput.

Saarulliit
Tunumut Kitaanullu ukioq manna saarullittassat 15.000 tonsiupput. Maannamut saarullittarineqarsimasut 1.155 tonsiupput.