Aqutsiveqarfik Upernavimmi umiarsuarnik tunitsiviliisoqassaaq

Aalisarnermut, Piniarnermut Nunalerinermullu Naalakkersuisoqarfimmit ingerlatsiviit marluk aqutsiveqarfimmi Upernavimmi umiarsuarnik tunitsiviliiniartut akuerineqarput.

Pilersaarutaavoq Upernaviup nunaqarfiisa avannarlersaasa, Kullorsuup aamma Nuussuup, eqqaani umiarsualiisoqassasoq aappaa Aappilattup eqqaaniissalluni.

Umiarsualiinissamik akuerineqartut pilersaaruteqarput umiarsuit tunitsiviit Kullorsuup, Nuussuup aamma Aappaluttup aasaanerani eqqaanniissasut. Ingerlatseqatigiiffiit aqutsiveqarfimmi tunisassiorfiliornerminni umiarsuaqartitsissapput.

Umiarsuarmik tunitsiviliisut aalisakkat umiarsuarmut tulaanneqartut suliarisassavaat.
- Taamaalilluni nunaqarfinni suliffissanik ikigisassaanngitsunik pilersitsisoqassaaq, Aalisarnermut, Piniarnermut Nunalerinermullu Naalakkersuisoq, Finn Karlsen, erseqqissaavoq.

Ingerlatsiviit umiarsualiiniartut tassaapput Halibut Greenland aamma Suluk Fish.