Akissarsiaqartitsisarneq pillugu politikki

Aktiaateqarluni piginneqatigiiffinni siulersuisuni ilaasortanut akissarsiaqartitsineq pillugu politikki nutaaq

Naalakkersuisut aktiaateqarluni piginneqatigiiffinni tamakkiisumik ilaannakortumilluunniit Namminersorlutik Oqartussanit pigineqartuni siulersuisuni ilaasortat ilinniarsimasuunissaannik kissaateqarnerisa kingunerisaanik, siusinnerusumut iliuuserineqarsimasumut naleqqiullugu, ullumikkut siulersuisuni ilaasortat piginnaasaat sulisinnaassusaallu pillugit suli annertunerusumik piumasaqaateqartoqarpoq. Tamatuma kingunerisaanik, akissarsiallu 2009-mili qaffanneqarsimannginnerat tunngavigalugu, akissarsiaqartitsinermut politikki nutaaq suliarineqarsimavoq.

Siusinnerusukkut akissarsiaqartitsinermut politikkimi kaaviiaartitat ingerlatseqatigiiffiup angissusaa imaluunniit suliassamigut assigiinngissitaarnera naammattumik tamatigut isiginiarneqarsimanngilaq. Tamatuma kingunerisaanik akissarsiat akisussaaffimmut, saqquminermut suliamillu tunniussinissamut siulersuisunut ilaasortanut piumasaqaatigineqartumut naapertuuttuaannarsimanngillat.

Politikkip nutaap kingunerisaanik akissarsiat siulittaasunut, siulittaasup tulliinut ilaasortanullu nalinginnaasunut annertussutsimikkut assigiinngissuteqalissapput, siulersuisunut ilaasortanut assigiinngitsunut siuliani taaneqartunut piumasaqaatit sulinissamilu naammassisassanut piumasaqaatit assigiinngitsuunerat pissutigalugu. Siusinnerusukkut akissarsiatigut assigiinngissitaarneq taama ittoq pisimanngilaq, taamatullu assigiinngissitaartumik akissarsiaqartitsisalernissap kingunerisaanik siulittaasut ilaasortat nalinginnaasut akissarsiaannut naleqqiullugit 2½-imik annertunerusunik akissarsiaqartalernissaannik kinguneqassaaq.

Akissarsiaqartitsinermut politikki nutaaq nunani uatsinnut assersuuttakkatsinni siulersuisuni ilaasortat ilinniarsimasuunissaannik piumasaqaateqarfiusuni akissarsiaritinneqartartunut naapertuuppoq.

Akissarsiaqartitsinermut politikki uani takuuk 

 

Paasissutissat sukumiinerusut uunga saaffiginninnikkut pissarsiarineqarsinnaapput:
Rasmus Pedersen, Immikkoortortaqarfimmi Pisortaq, Ingerlatseqatigiiffinnut Allattoqarfik, oqarasuaat 34 51 27