Nunaoil A/S ileqquusumik ataatsimeersuarsimavoq

nunaoil

Marlunngornermi 29. april 2014 nal. 10.00 Nunaoil A/S Nuummi ileqquusumik ataatsimeersuarpoq.

Ilaatigut ingerlatseqatigiiffiup ukiumoortumik nalunaarusiaata akuerineqarnissaa oqaluuserisassaniippoq.

Ingerlatseqatigiiffik ukiuni kingullerni sajuppillatsitsisarluni misissuinernik (nunap pissusiinik misissueriaa-seq, nunap ilua nipip maligaasaanik siammarterinikkut nalunaarsorneqarsinnaaffia, aaqq.) tunisaqarnikkut kaaviiaartitsingaatsiarsimavoq. Taakkuli ingerlatseqatigiiffiup isertitaani annertoorujussuujunnaarput sajup-pillatsitsisarluni paasissutissanik piumasaqartoqarunnaarmat.

Taamaattumik ukiumoortumik nalunaarusiami aamma 8,8 mio. kr.-inik amigartooruteqarnissaq naatsorsuu-tigineqarpoq, uuliamik aningaasarsiutigalugu piiagassamik niuernermi tunngavissamut aallartitsissutaasin-naasumik suli nassaartoqanngimmat.

Ataatsimeersuarnermi siulersuisunut ilaasortat Frank Dinhoff Pedersen, Olav Sivertsen, Tine Pars aamma Peter Helmer Steen qineqqinneqarput.

Tamatuma saniatigut Nunaoilimit Naja Joelsen siulersuisunut ilaasortatut nutaatut tikilluaqquneqarpoq.
Tassunga atatillugu siulersuisut siulersuisunut ilaasortaq Lida Skifte Lennert 2006-imiilli siulersuisunut ilaa-sortaasimasoq inuulluaqquaat.

”Lida Skifte Lennertip ukiut ingerlanerini siulersuisuni suliniarsimaneranut qutsavigerusuppara. Qujamasullunga sulilluarsimaneranut ataqqinnippunga aammali nukissat nutaat inissaqartikkumallugit. Taamaattumik nuannaarutigalugu Naja Joelsen tikilluaqquarput ukiunilu tulliuttuni suleqatigiilluarnissarput qilanaaraarput" Aleqa Hammond, Naalakkersuisut siulittaasuat taama oqaaseqarpoq.

Paasissutissat sukumiinerusut uunga saaffiginninnikkut pissarsiarineqarsinnaapput:
Rasmus Pedersen, immikkoortortamut pisortaq, Ingerlatseqatigiiffinnut allattoqarfik, oqarasuaat 34 51 27