Nick Nielsen AWG2016-ip saqqummiunneqarnerani oqaaseqarpoq

AWG

Kalaallit Nunaata 2016-imi Arctic Winter Gamesimut(AWG) siulittaasuuffimmik tigusinera malunnartinniarlugu tallimanngornermi 25. april 2014-imi ualikkut AWG-2016-imi kommitte aaqqissuussivoq.

Aaqqissuussinermi ilaatigut AWG2014-imi ajugaasuusimasut naapinneqarsinnaapput, soorlu aamma 2016-imi AWG pillugu pilersaarutit erseqqinnerusumik paasisaqarfiusinnaasut.

Ilinniartitaanermut, Kultureqarnermut, Ilageeqarnermut Naligiissitaanermullu Naalakkersuisoq aamma najuuppoq siulittaasuuffissamillu tigusineq tikilluaqqullugu oqaaseqarluni.

Oqaaseqaataa uani atuarsinnaavat:

"Siullermik AWG-ip 2016-imi ingerlanneqarnissaata nalunaarutigineqarnerani maanna maani najuuttusi tamassi qutsaviginiarpassi. Pingaaruteqarpoq pitsaasuullunilu qaaqqu-sisutut Nunatsinni maanilu Nuummi aallartilluarnissarput, Fairbanks-imi Alaskamiittumi AWG 2014-ip naammassineranut atatillugu qaaqqusisuusussanngornerput eqqarsaati-galugu.

Host City-mi, borgmester Asii Chemnitz Narup-imik, Kalaallit Nunaanni Sulisitsisut Peqatigiiffiata siulittaasuanik Henrik Leth-imik uannillu inuttaqartumi tulluusimaaruti-gaarput 2016-imi taamatut aaqqissuussisarnerit nunatta oqaluttuarisaanerani annersaata pilersinnissaanut periarfissaqaratta.

Nunatta siusinnerusukkut takutittareerpaa qanilaartuunitsigut ammasumillu pis-suseqartuunitsigut qaaqqusatsinnik tikilluaqqusisinnaasugut puigunaatsorsuarnillu misi-gisaqartillugit.

Taamaalioqqissaagut – uanga nammineq 2002-mi ilaanngikkaluarpunga, taamani nu-narput Issittormiut unammiuaaqatigiinnerannik annikinnerulaartumik aaqqissuus-sisuummat, kisianni Fairbanks-imi ukioq manna marsi qaammat peqataavunga, qularu-tiginngilaralu tamavitta, minnerunngitsumillu inuusuttuararpassuit peqataasut, kisiannili aamma - Host Society - namminneq piumassutsiminnik ikiuuttorpassuit misigisaqarsi-masut nuannaarutigalugu tulluusimaarutigalugulu inuunerminni eqqaamajuagassaminnik.

”Unammiuaarnerit qaqugumulluunniit pitsaanersaat” imaluunniit tuluttut ”the best games ever” 2016-mi pilersissagutsigit piumasaqaataavoq piumassuseqarluta pikkorissarnis-sarput piginnaasatsinnillu annertusaanissarput, suliassagut pitsaasumik naammassisin-naajumallugit. Tamatumani ilaatigut pisussanik aaqqissuussisinnaaneq, tuluttut oqa-llorinnerulernissaq kiffartuussillaqqinnerulernissarpullu pineqarput.

Ussateqarporlumi; aallartilluarneq aqqutaata affaatut ippoq, uangalu allattoqarfipput nersualaalaarumavara qutsavigalugulu, maannamut suliaat pillugit, - piumassuseqarlu-arlusi sullerillusilu suliassarsi ingerlapparsi.

Naggasiullugulu tamatsinnut ullup nunannersuunissaanik kissaateqarpunga, AWG 2002-lu kingumut qivialaarlugu aliikkusersuutaasut nuannaarutigisigit."