Finn Karlsen kinamiut tv-annit apersorneqarpoq

Finn og Kineserne

Kinamiut tv-imik aallakaatitassiortartut Aalisarnermut, Piniarnermut Nunalerinermullu Naalakkersuisoq Finn Karlsen ullumi apersorpaat.

Tv-liortut Kinami tv-eqarfissuit pingaarnersaanneersuupput, CTTV-imeerlutik. Tv-qarfissuaq 20 million missaanni isiginnaartoqartarpoq.

Tv-iliortut Aalisarnermut, Piniarnermut Nunalerinermullu Naalakkersuisumut apeqqutaasa ilaat tassaavoq silaannaap allanngorneranik pissuteqartumik ullutsinni aalisarneq piniarnerlu ajornarnerulersimanersoq.

Apeqqutaasa ilaat tassaalluni: Nalunaarusiat ilaat naapertorlugit puisit amerleriarsimapput ukiunilu kingullerni aalisakkanik amerlalluinnartunik nerisarlutik, aalisarnermut akornusersuutaasaqaluni. Kalaallit Nunaanni puisinniarneq killilersorneqanngilaq. Naalakkersuisut suna tunngavigalugu killilersuititsinngillat?

Pilersaarutit naapertorlugit apersuineq aappagu aallakaatinneqassaaq.