Steen atsiornernik Sisimiuniit tigusivoq

Underskrifter Sisimiut Peqqissutsimut Attaveqarnermullu Naalakkersuisoq Steen Lynge Sisimiuni innuttaasunit 345-nit atsiornerit tigusimavai.

Atsiortitsisimanerup Bolette-Marie Jensen-ip aallartissimasaata tunuliaqutigivaa nalinginnaasumik Sisimiuni Peqqinnissaqarfiup sullissinerata naammagittaalliutigineqarnera.

“Pingaartippara peqqinnissaqarfiup sullissinerata ingerlaavartumik pitsanngorsartuarnissaa aammalu innuttaasoq qitiutillugu sullissinerup aaqqissuunneqartarnissaa.
Peqqinnissaqarfik innuttaasut pillugit atuuppoq taamaammallu pisussaaffigaarput pissutsit ineriartortinnissaat, minnerunngitsumik innuttaasut naatsorsuutigisaat pisariaqartitaallu assigiinngitsut peqqutigalugit naammassineqarsinnaanngippata. Taamaammat atsiornerit tigunerisa kingunerissavaa innuttaasut peqqinnissaqarfiullu akornanni attaveqatigiinneq alaatsinaanneqarluni pitsanngorsarneqassasoq, taamatut oqarpoq Peqqissutsimut Attaveqatigiinnermullu Naalakkersuisoq Steen Lynge.