Qilalukkat qaqortat qernertallu

Qilalukkat qaqortat qernertallu 2013-imi pisarineqanngitsoortut 2014-imut nuunneqarput

Namminersorlutik Oqartussat Qilalukkat qaqortat qernertallu illersugaanerat piniagaanerallu pillugit nalunaarutaat nr. 7, 29. marts 2011-meersumi § 3, imm. 5 naapertorlugu, qilalukkanik pisassiissutinit pisarineqanngitsoortut ukiup tullianut nuunneqarsinnaapput, uumasoqatigiiaanut killigititaasut iluini.
Pisarineqarsimasut amerlassusaat kommuunit allattugaannut naapertuunnersut kommuunit misissueqqullugit APNN-imit piumaffigineqarput. Maanna nalunaarsukkat eqqortut pisimalerpagut.
Qilalukkanik qaqortanik pisassiissutinit sinneruttut ukuupput:

Qaasuitsup Kommunia 45
Qeqqata Kommunia 2
Kommuneqarfik Sermersooq, Kommune Kujalleq 5

2014-imi januaarip 31-ani Qeqertarsuup Tunuani aqutsiveqarfinni Uummannamilu aqutsiveqarfimmi qilalukkat qernertat pisarineqarsimasut 31-it nalunaarutigineqarsimanngitsullu paasineqarneranni piniarneq unitsinneqarpoq. Sumiiffinni piniartut peqatigiiffii aamma Qeqertarsuup Tunuani Uummannamilu piniarnermi nakkutilliisut ataatsimeeqatigeerlugit, sumiiffinni pineqartuni paasissutissat eqqortut APNN-imit pissarsiarineqarsimalerput. Qilalukkat qernertat pisarineqarsimasut aqqaneq marluk (12) nalunaarutigineqarsimanngitsut Naalakkersuisoqarfimmi kisimik amigaataalerput. Pisarineqartut aqqaneq marluk (12) nalunaarutigineqarsimanngitsullu 2013-imi Kitaani pisassiissutit sinneruttunit 15-iusunit ilanngaatigineqassapput. Kitaani pisassiissutit pisarineqanngitsunit pingasut (3) sinnerupput.
Pisassiissutit sinnerisa agguaanneqarnerat, immikkut pisassinneqarnissamik Qaasuitsup Koommuunianiit Qeqqatalu Kommuunianit qinnuteqaatit eqqarsaatigalugit ingerlanneqassammat, Kitaani pisassiissutaasimasunut sinneruttut pingasut (3) Qeqqata Kommuunianut tunniunneqarput. Qaasuitsup Kommuuniani qilalukkanik pisassiissutit aqqaneq marlunnik (12) sinnerlugit pisaqartoqarsimammat, Qaasuitsup Kommuunianut marluk (2) tunniunneqarput, pisassiissutaasunut sinneruttut quliusimammata (10).
Qilalukkanik qernertanik pisassiissutinit sinneruttut ukuupput:

Sinneruttut ’13  Agguaateqqitat nalimmassakkat 
Qaasuitsup Kommunia – Qimusseriarsuaq 9 9
Qaasuitsup Kommunia – Kitaa 10 0
Qeqqata Kommunia 4 3
Kommuneqarfik Sermersooq – Nunatta Qeqqa Kujataalu 1 0
Tamakkerlugit 15 3
Kommuneqarfik Sermersooq - Tunu 22 22

Kommuneqarfik Sermersooq aamma Nunatta Qeqqa Kujataanilu pisassiissutit sinneri ataatsimik (1) ilanngaavigineqarnerannut peqqutaavoq 2013-imi qilalugaq ataasiinnaq (1) tamaani pisarineqarsimamamt 2014-imilu suli pisaqartoqarsimanani.
2013-imi septemberip sisamaani (4.9.13) Naalakkersuisunut ilaasortap aalajangerpaa qilalukkanik qaqortanik qernertanillu pisassiissutit sinnerinik nuussinermi amerliartuaanngitsumik kisitseriaaseq atorneqartassasoq. Tamanna isumaqarpoq ukiup siuliani pisassiissutaasimasut sinneri kisimik nuunneqartassasut.
Ukiup ingerlanerani teknikkikkut aaqqiisoqarsinnaanera naatsorsuutigineqarsinnaavoq pisanut nalunaarutit ilaat amigaatigineqarmata aammalu allanik 2015-imi pisassiissutitigut aaqqiisoqarsinnaammat.