Paasissutissanik paarlaasseqatigiittarnissamut isumaqatigiissut

Schweiz-imik akileraartarnermut tunngasunik paasissutissanik paarlaasseqatigiittarnissamut isumaqatigiissut

Schweiz aamma Kalaallit Nunaat sinnerlugit Københavnimi aallartitap Denis Feldmeyer-ip aamma sinniisoqarfimmi pisortap Tove Søvndahl Gant-ip ulloq 7. marts 2014 akileraartarnermut tunngasunik paasissutissanik paarlaateqatigiittarnissamut isumaqatigiissut atsioqatigiissutigaat.

Isumaqatigiissuteqarnikkut Kalaallit Nunaata Schweiz-illu akornanni akileraartarnermut tunngasunik paasissutissanik paarlaateqatigiissinnaalernissaq ammaanneqarpoq. Isumaqatigiissut atuutilissaaq illuatungeriit isumaqatigiissutip atuutilernissaanut iliuusissat piumasaqaataasut naammassineqarnerat pillugu nalunaarutigineqarnerisa kingorna.

Kalaallit Nunaata ingerlaavartumik akileraartarnermut tunngasunik paasissutissanik paarlaateqatigiittarnissaq pillugu nunat inatsisitigullu oqartussaaffigineqartut assigiinngitsut isumaqatigiissuteqarfigisarpai.

Paasissutissat sukumiinerusut uunga saaffiginnilluni pissarsiarineqarsinnaapput: Morten Selvejer, Aningaasaqarnermut Nunamullu Namminermut Naalakkersuisoqarfik.