Qamutinut motoorilinnut akitsuutit

Naalakkersuisut aalajangerput, qamutinut motoorilinnut akitsuutit pillugit Inatsisartut inatsisaata allannguutissaatut siunnersuutertik tunuartinniarlugu

Inatsisissatut siunnersuutip saqqummiunneqarnissaa sioqqullugu aammalu tusarniaanerup naammassinerata kingorna inatsisissatut siunnersuut arlalinnit isornartorsiorneqarpoq. Isornartorsiuisut ilaasa oqaatigaat, inatsisissatut siunnersuutip kingunerisassai misissoqqissaarneqartariaqartut, ilaasalu siunnersuut ajoqutaasunik sunniuteqassasoq oqaatigalugu.

Naalakkersuisunit isornartorsiuisorpassuit tusaaniarneqarput, taamaattumillu inatsisissatut siunnersuut tunuartinneqassasoq aalajangiullugu.

Siunissami akitsuuseeriaatsit qanoq iliorluni naleqqunnerpaamik ilusilersorneqarsinnaanerannik misissuinermik sukumiisumik Naalakkersuisut aallartitsinialerput. Tassungalu tusarniaanermi akissutit aammalu suliassaqarfimmut soqutigisaqartunik sukumiinerusumik oqaloqatiginninnerit ilaatinneqassapput.