Allaffimmi pisortaq nutaaq

Naalakkersuisut Siulittaasuata Naalakkersuisoqarfia Saammaateqatigiinnissamut Isumalioqatigiissitap Allattoqarfissaanut allaffimmi pisortamik atorfinitsitsivoq

Pisortap Mininnguaq Kleistip nalunaarutigaa, atorfinitsitsinermut ataatsimiititaliap isumaqatigiittup ph.d. Mari Hardenberg Saammaateqatigiinnissamut Isumalioqatigiissitap allattoqarfiani allaffimi pisortatut atorfinitsissallugu aalajangersimasoq.

Mari Hardenberg Ilisimatusarfimmi bacheloriuvoq, Memorial University of Newfoundlandimi Canadamiittumi kandidatiuvoq kiisalu Københavnip Universitetiani Qangarnitsat pillugit Itsarnisalerinermi ph.d.-ulluni.

Mari ilaatigut Memorial Universitymi kandidatinngorniat soraarummeerneranni avataaneersutut soraarummeersitsinermi nalilersuisutut sulisimavoq.

Taamatuttaaq Mari Ilinniarfissuarmi aamma Hedmarkimi Norgemiittumi ilinniartitsisutut ilinniarsimavoq, tamatumalu kingorna ukiuni tallimani Ukaliusap Atuarfiani Nuummiittumi ilinniartitsisutut sulisimalluni.
Mari Hardenberg atorfimmut inuttassarsiuunneqartumut qinnuteqartuni ilinniakkami tungaasigut piukkunnarnerpaavoq. Taamaattumik atorfinitsitsinermut ataatsimiititaliap isumaqatigiittup, pisortamit Mininnguaq Kleistimit siulittaasuuffigineqartup, Mari Hardenbergip allaffimmi pisortatut atorfinitsinneqarnissaanik neqeroorfiginissaa aalajangiussimavaa.

Allaffimmi pisortap suliassaa siulleq tassaassaaq Saammaateqatigiinnissamut Ataatsimiititaliarsuup pilersinneqarnissaa. Tamatuma kingorna allaffimmi pisortap isumalioqatigiissitaq sullisissavaa.

Naalakkersuisut Siulittaasuata Naalakkersuisoqarfiani, pisortaq Mininnguaq Kleistip, Mari Hardenbergimut pisortaavoq.